Lukas 1:76 - Intas Etipup

⁷⁶ Ak inhal unyak, uhpu anvi nidam par ika na profeta o un aiek Et esjiiid aien: napu uhup aiek irai Natimarid, par ahped nefalaig vai yin;

Lukas 1:76 Iomraidhean Croise

Saam 87:5

Uhpu tas vai Saion, um ika, Eris apos iran ilpu atimi iji igki, im lep ilpu atimi iji ehki: etpu lep ati aktit Saion a Atua esjilid acen.

Malakai 3:1

EKPU idim abrai natimi leh intas unyak ainyak, etpu ahped nefalaig an nuhup unyak aien: etpu auroauro a Natimarid inig, eka, ahilek yin aijaua, um ham anliin neom ahlap o un, Nagelo marom u intas etipup, aien aigki eka merit vai yin aijaua: et ika a Ihova esjilid acen, Etpu idim ham aien.

Malakai 4:5

Ekpu idim abraig pam ehelemia Elaija naprofeta ainyak, ja etpu ham nopan iyehki u Ihova et alupas et lep imtitaig vaig:

Madius 14:5

Is merit aien mika yi atgei Joanes, jam imtita atimi is ahinag; eris ika ara, Et aprofeta aien.

Madius 21:26

Ja el ta ika akaija, Is ahes ehele atimi; inta imtita atimi akaija; era ika atimi asega is idim aprofeta a Joanes,

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop:

Madius 3:3

Aien aigki is tas vai yin a Aiseya naprofeta, um ika, “Nohran tah et ethi etpu ahlaig aien an namasacen, um ika, Akumu ahped nefalaig vai Ihova aijaua, um ago yi atoh efalaig vai yin.”

Markus 11:32

Ja el ta ika akaija, Is ahes ehele atimi; eris imtita atimi ara: va nitai ineigki eris ika atimi asega, is idim aprofeta a Joanes.

Lukas 1:32

etpu esjilid aien, uhpu anvi nidan par ika Inhal o un Et esjilid aien: etpu ati imi yin a Ihova Atua dorona o etpon Tevit:

Lukas 1:35

Is tas a nagelo, um ika ehelen, Etpu vetpan iram a Nesgan Upene, etpu ahelmon euc nemda o un Et esjiiid aien: uhpu anvi nidan nitai upene iyehki napu apos aiek, par ika Inhal o Atua;

Lukas 6:35

Akumu aiheuc vai ra aijaua era tak atimi iramia ara, um ago nedo upene vai ra, um alupai ra itai, um jim aktaktai neruvaig; etpu esjilid nimtan imi caua, akupu ilpu hal o un aijaua Et esjilid aien: et ago nedo upene aien vai ra sji ehki era eti aktaktai nedo upene o un ara, im lep vai ilpu atimi auatatimi.

Joanes 1:23

Is ika aien. Eh “ohran tah ainyak et ahlaig aien an namasacen, um ika, Akumu ago atoh nefalaig vai Ihova aijaua,” et idivaig is asaig a Aiseya naprofeta.

Joanes 1:27

aien aigki et apitac nyak aien, et idim esjilid irak aien, ek eti upene ainyak par ahiyi nehtit an cedpun neduon.

Joanes 3:28

Eka idim ato aijaua mika kis ika ainyak, Ek eti Kristo ainyak, ja eris abrai nyak mika ki uhup iran ainyak.

Niji auritai o ilpu Apostolo 16:17

is apitac Paulo aien im cama, um ahlaig, um ika, Era ilpu aheca o Atua esjilid acen ara sji eigki, era asuptecnaig imi cama ara nefalaig imyiatamaig atimi.