Lukas 1:75 - Intas Etipup

⁷⁵ um ago nedo upene, im nedo atoh an nuhup o un, irai iji adiat an numumoh uja.

Lukas 1:75 Iomraidhean Croise

Aiseya 43:21

Kis ago nup uran pece inigkvai nyak ainyak; erupu imiahpas nyak ara.

Sekaraia 8:19

Et ika a Ihova esjilid acen; Erupu imiacitak um cediaig um amen upene a nup u Juta, an nopan atwakam an mohoc ford, im lep an natwakam an mohoc fifd, im lep an natwakam an mohoc sevend, im lep an natwakam an mohoc tend; ja akumu merit aijaua vai intas inveijec im namen upene.

Madius 1:21

etpu apos inhalav atamaig aien, napu anvi nidan aiek par ika Iesu; etpu imyiatamaig ilpu atimi o un aien va nedo has ura.

Lukas 1:74

mika yi aiheuc vai caija aien, um imyiatamaig caija va atimi tak atimi iraija, mika ti aheca o un akaija, um jim imtitai ra,

Nupu Efesus 1:4

et idivaig is ehtai caija aien vai yin an naopan iyehki is pam eti eteuc nobohtan, mika ti upene akaija, um ti nedo has uja, an nuhup o un:

Nupu Efesus 2:10

Inta idim auritai o un akaija, is ago caija aien irai Iesu Kristo, mika ti ago nedo upene ineig akaija, is upyi hup a Atua um anacanac iran mika ti ago akaija.

Nupu Efesus 4:24

um aso caua an natimi mat, er ago yin an nalmui Atua, an nedo atoh, im nedo upene, im nedo inivaijec.

Tyuteronome 6:2

va akupu imtitai Ihova Atua unyimia aijaua, um apos nedo asega o un, im intas alep o un, ek asaig ehelemia ainyak, aijaua, im ilpu hal unyimia, im ilpu mapomia, irai iji adiat an numumoh vaig unyimia; va etpu ahinag nadiat iramia.

1 Nupu Desalonaika 4:1

IM lep ineig, ak ilpu etoak, ek ugni caua ainyak, um ated caua vai Iesu Natimarid, nikavaig, akis idim leh ehelek aijaua nesege imi caua va namen unyimia an nedo ineig et upene an nuhup u Atua, et idim ucco, aki ago nedo ineig aijaua um esjilid acen iran:

1 Nupu Desalonaika 4:7

Is eti imyiacaij caija a Atua va nedo has, ja va nedo upene ache.

2 Nupu Desalonaika 2:13

Ja et upene vai nyak naaurineigvaig vai Atua irai iji adiat vai caua, ak ilpu etoak, et aiyu inliinmopoi Natimarid vai caua, va nitai ineig, nikavaig, is anaclelen iramia a Atua an naopan iyehki is pam eti eteuc nobohtan, mika uhpu imyiatamaig caua an nadicinadicin unyimia irai Nesgan Upene, im nasgeig an tas inivaijec;

2 Timodeus 1:9

aien aigki is imyiatamaig caija aien, um ahlaig vai caija an nahlaig upene o un, is eti ago aien va nedo uja, ja va nupyi aktaktai o un, im intup naiheuc o un, is alupai caija aien irai Iesu Kristo, an naopan iyehki is pain eti eteuc nobohtan;