Lukas 1:74 - Intas Etipup

⁷⁴ mika yi aiheuc vai caija aien, um imyiatamaig caija va atimi tak atimi iraija, mika ti aheca o un akaija, um jim imtitai ra,

Lukas 1:74 Iomraidhean Croise

2 Ilpu Atimarid 17:39

Akumu imtitai Ihova Atua unyimia aijaua; etpu imiatamaig caua aien va nikmai ilpu atimi tak atimi iramia asega.

Saam 119:134

Namu imiatamaig nyak aiek, va eri jim ehcerucai nyak natimi: ekpu lep apos intas alep unyum ainyak.

Aiseya 43:21

Kis ago nup uran pece inigkvai nyak ainyak; erupu imiahpas nyak ara.

Aiseya 45:17

Et mun imiatamaig nup Isreel a Ihova, inyi eti lep ti namen upene ura: akupu eti ehcamai aijaua, akupu eti amen has aijaua um yetpan irai iji mesese.

Sekaraia 8:19

Et ika a Ihova esjilid acen; Erupu imiacitak um cediaig um amen upene a nup u Juta, an nopan atwakam an mohoc ford, im lep an natwakam an mohoc fifd, im lep an natwakam an mohoc sevend, im lep an natwakam an mohoc tend; ja akumu merit aijaua vai intas inveijec im namen upene.

Lukas 1:71

mika yi imyiatamaig caija vai ilpu atimi tak atimi iraija, im lep vai ra asega era amcel vai caija ara;

Lukas 1:73

intas upyi asaig iyehki is asig yi aktit aien ehele etpoija Ebraham,

Lukas 1:75

um ago nedo upene, im nedo atoh an nuhup o un, irai iji adiat an numumoh uja.

Nupu Roma 6:22

Er ahiyi caua u nedo has, eka lep aheca o Atua aijaua an naopan ineig, um leh nohoai itai ineig va uhpu upene, ja par leh nimtan, nitai umoh iran ineig inyi ti lep ti.

Nupu Roma 8:15

Akis eti leh inliinmopoi ilpu aheca aijaua, va akupu lep imtitaig aijaua; ja akis leh inliinmopoi ilpu halav aijaua, inta ahlaig akaija iran, um ika, Abba, Ak Etmama.

2 Timodeus 1:7

Is eti alupai caija inliinmopja imtac a Atua; jai inliinmopja emda, um aiyu, um arapakau.

Ilpu Hibru 2:15

um imyiatamaig ra sji eigki eris ohocred ara irai iji adiat an numumoh ura va nimtitan mas ura.

Ilpu Hibru 9:14

et idim esjilid inja irai Kristo, par ago adicinadicin inliinmopomia va nauritai mas vaig, mika aki aheca u Atua umoh aijaua: is ti nitai has iran, is ispun ahlap iran aien vai Atua irai Nesgan Upene ineig et amen irai iji mesese.

Nitai ehvaig 2:10

Jim imtitaig tah nohocred iji eig napu leucse aiek: etpu idim ikni nahaijimia iraili eom ipjin a Tiapolo, mika yi oop caua; akupu leucse nohocred aijaua ira adiat inyi ten: ja etmu inivaijec inliinmopom aiek um yetpan u unmas unyum, ekpu adgaig korona imi euc ainyak va nitai umoh iran.