Lukas 1:69 - Intas Etipup

⁶⁹ et mun atijai nepat imyiatamaig caija aien, et mapoi Tevit aien naheca o un;

Lukas 1:69 Iomraidhean Croise

2 Samuel 22:3

ak Atua unyak, na hehteuc unyak aiek; ek asgeig iram ainyak: nai itai ahtaipup unyak aiek, im nipat imiaras nyak unyak, im neom ijinies unyak, im nuarin ahapan iran unyak, im natimi imicoho nyak; na imiatamaig nyak aiek va nedo auahas nyak.

2 Samuel 7:26

Im lep inig, erumu imiahpas nidam natimi irai iji mesese, um ika, Et Atua u nup Isreel a Ihova Atua emda acen: erumu amen aktit a ilpu mapoi Tevit an nuhup unyum.

1 Ilpu Atimarid 11:13

Inki eti atipagki nelcau asega ainyak; ekpu alupai inhal unyum nahaijin yi ethi ainyak vai Tevit naheca unyak, im lep vai Jerusalem inig kis ehtai ainyak.

Saam 18:2

Et hehteuc unyak a Ihova, im nuarin atpuh iran unvak, et lep imiatamaig nyak aien; et Atua unyak aien, im nemda unyak; ekpu asgeig iran ainyak; et aibuthan nyak aien; et ipat unyak aien par imicoho nyak, im nuarin ijinies unyak.

Saam 89:17

Na ika aiek era eklim upene ara, um emda: napu aiheuc vai cama aiek, um imiaridjai nemda unyima.

Saam 89:3

As ika aiek, Ek mun asan tas etipup unyak ainyak ehelen kis ati yin ainyak, ek mun lep asig yi aktit intas unyak ainyak ehele Tevit naheca unyak.

Jeremaia 30:9

ja erupu aheca u Ihova Atua ura ara, im lep u Tevit natimarid ura, ekpu imiatidai jai yin vai ra ainyak.

Esikiel 29:21

An nadiat iyehki ekpu ika ainyak yi ehcohos pam nipat u nup Isreel, ekpu ika ehelum ainyak an tas ehele ra aiek; erupu lep ato ara mika ek Ihova ainyak.

Emos 9:11

An nadiat iyehki ekpu lep ago niimwudig inig u Tevit ainyak is jase, um atapnes niji uarin eris alcapdicraig; ekpu imiatidai niji uarin is achadaliek se ainyak, ekpu actaig ainyak et idivaig itu acen:

Madius 1:1

NITASVITAI vai ilpu retpoi Iesu Kristo, mapoi Tevit, is mapoi Ebraham aien.

Markus 11:10

Naaurineig va nelcau o etpoija Tevit, et yetpam an nidai Natimarid: Hosana an nohatag ijinies acen.

Nitai ehvaig 22:16

Ek mun abrai nagelo unyak ainyak Iesu par asuptecnaig ehelemia nitai iji eigki vai ekalasia: kis ahes irai Tevit ainyak, um mapon, um moijeuv efehcas et chcohos an nathut u nadiat.

1 Samuel 2:1

IS alaigaheni a Hanna, um ika, Et mun imiacitak inliinmopok ainyak vai Ihova; ek mun imiaridjai nipat unyak ainyak vai Ihova: ek mun auud yi apidai ilpu atimi tak atimi irak an nipjineucsek ainyak; vaig inig nikavaig, ek imiacitak ainyak va nitai imiatamaig nyak unyum.

1 Samuel 2:10

Etpu ehtoplecoplec ilpu atimi tak atimi iran a Ihova; etpu ika aien yi atceteuc inmunuka an nohatag ehele ra: etpu almaijidjid atimi era amen irai iji pece an nobohtan a Ihova; ja etpu alupai natimarid o un nemda aien; etpu imiaridjai nipat u natimi o un aien eris aspi yin.