Lukas 1:67 - Intas Etipup

⁶⁷ Is amen alupas a Nesgan Upene ehele etman Sakaraias; is upyi tas vaig aien, um ika,

Lukas 1:67 Iomraidhean Croise

2 Samuel 23:2

Is ika aien, Is ahu intas irak a Nesgai Ihova; is amen intas o un an nipjineucsek;

Joel 2:28

Etu wit ti pan itac nitai iji igki, ekpu atladwi Nesgak ira atimi asega ainyak; erupu ahidan tas a ilpu halav atamaig unyimia im ilpu halav atahig unyimia, erupu umjeg ahnag a ilpu fatimi unyimia, erupu ahuumtidec irai itai a ilpu takuras unyimia.

Numera 11:25

Is asuol an napat a Ihova, um tas ehelen, um alupai ilpu atimi alupas is sevente inliinmopora is idivaig inliinmopon: is wat amen ehele ra a Nesgan Upene, eris efehtas ara, um eti atumop.

Lukas 1:15

etpu esjilid aien an nuhup o Ihova, inyi ti umnyi waina aien im kava; uhu wit apos yin, etpu idim amen alupas ehelen a Nesgan Upene:

Lukas 1:41

Is wat atahaijeg intas aiheuc o Mere a Elisabed, is eliaujai a inhal o un an nipjinetgan; is amen alupas ehele Elisabed a Nesgan Upene:

Niji auritai o ilpu Apostolo 2:4

Is amen alupas anliinmopura a Nesgan Upene, eris atupun ara um tas irai taka tas, is idivaig is alupai ra intas a Nesgan Upene.

Niji auritai o ilpu Apostolo 2:8

ja et echamecha? inta atahaijeg intas akaija asega iraipece iji eig eris apos caija iran:—

Niji auritai o ilpu Apostolo 9:17

Is um apan a Ananaias, um han anliin neom, um atijai nikman iran, um ika, Ak etoak Saulo, et abrai nyak a Iesu Natimarid iyehki is ehcohos pan ehelum aien an nefalaig an napam unyum, mika yi lah nesganimtam aiek, um leh alupas Nesgan Upene.

2 Pitrus 1:21

Is eti tup ispun ahes ehele atimi itu acen intas ineig eris upyi asaig a ilpu profeta: ja eris tas a ilpu atimi upene u Atua, is idivaig is ahu intas ira ra a Nesgan Upene.