Lukas 1:53 - Intas Etipup

⁵³ Is alayi ilpu atimi ehtele ra niji itai upene aien; jam abraig pan ra eris ikni itai ara, um eti alupai ra itai.

Lukas 1:53 Iomraidhean Croise

Saam 146:7

et ago nedo atoh a Ihova vai ilpu atimi er ehcerucai ra: et alupai ilpu atimi ehtele ra nitai caig incara aien. Et ahiyi ilpu atimi eris arore ra aien:

Saam 34:10

Et ehtele ra niji laion emda, um ahvig nitai caig: ja erupu eti ilikin natimi an tah nitai upene ara sji igki era ahilek Ihova ara.

Esikiel 34:29

Ekpu ika ainyak yi edel vai ra niji ahtaicai esjilid, etpu eti lep auahas ra nehtele ra vaig an pece ura, erupu eti lep auoh ehcamai ra a ilpu atimi apat.

Madius 5:6

Era mun ahesmoij ara et ehtele ra ara um ahvig emda nedo upene: erupu gaije ara.

Lukas 1:54

Is atau imi Isreel naheca o un aien, um imyiehva naiheuc o un,

Lukas 6:21

Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.

Lukas 6:24

Aʼa, auwe vai caua, ak ilpu atimi ikni itai! akis mun leucse niji itai upene unyimia aijaua.

Joanes 6:35

Is um ika ehele ra a Iesu, Ek itai caig umoh ainyak: aien et ham ehelek aien, inyi ti lep ehtele yin aien; aien et asgeig irak aien, inyi ti lep ahvig tah nitai aien:

1 Nupu Korindus 1:26

Akumu aktaktai nedo an nahlaig vai caua aijaua, ak ilpu etoak, era eti elpat iramia a ilpu atimi arapakau an nobohtan, um eti elpat a ilpu atimi emda, um eti elpat a ilpu atimi esjilid;

1 Nupu Korindus 4:8

Eka idim gaije aijaua, eka idim ilpu atimi ikni itai aijaua, eka idivai ilpu atimarid aijaua, um eti merit vai cumrau: et idim ucco, ek merit alupas ainyak mika aki ilpu atimarid aijaua, mika ecru tup ethi ache pan iramia aijumrau mohwat atimarid.

1 Samuel 2:5

Era ika a ilpu atimi geije, eri auaraheca vai nitai caig ara; era lep ti a ilpu atimi ehtele ra: et mun apos ilpu halav et seven a intakata is eti asvalav; ja et auatialidi aien et ahinag ilpu hal o un.