Lukas 1:50 - Intas Etipup

⁵⁰ Et aiheuc vai ra aien era imtitaig yin ara, um yetpan irai iji mesese.

Lukas 1:50 Iomraidhean Croise

Jenesis 17:7

Ekpu ati intas etipup unyak ainyak ehelum, im lep ehele ilpu mapom, erupu epitpitac iram ara irai iji mesese, mika ekpu Atua unyum ainyak, um lep Atua u ilpu mapom, erupu epitpitac iram ara.

2 Ilpu Atimarid 17:39

Akumu imtitai Ihova Atua unyimia aijaua; etpu imiatamaig caua aien va nikmai ilpu atimi tak atimi iramia asega.

Saam 103:11

Et idim ijinies nohatag an nobohtan; et idim uco, et esjilid naiheuc o un vai ra era imtitai yin ara.

Saam 115:13

Etpu asan tas acis yi alwai aien vai ra era imtitai Ihova ara, ilpu ihki atimi im ilpu atimi alupas.

Saam 118:4

Erumu idim ika a ilpu atimi imtitai Ihova, et amen naiheuc o un irai iji mesese.

Saam 145:19

Etpu ago nitai merit u ilpu atimi imtitai yin aien: etpu lep atahaijeg nahlaig ura aieu, um imiatamaig ra.

Saam 147:11

Et imiacitak ra sji igki a Ihova era imtitai yin ara, ra sji igki marom era asgeig an naiheuc o un ara.

Saam 31:19

Et esjilid acen nitai upene iji igki, as ikni aiek vai ra era imtitai euc ara: as lep ehvaig aiek an nuhup u atimi vai ra era asgeig iram ara.

Saam 85:9

Et ubutpotet aien par imiatamaig ra sji igki ache era imtitai yin ara; va etpu amen natimi alupas o un an pece uja.

Eksotus 20:6

ja ekpu aiheuc va atimi iji ig im ilpu mapora yi itu ira ra ainyak et aiyu inliinmopora ara vai nyak, um imiaiji intas alep unyak.

Lukas 1:49

Is ago nedo emda vai nyak Aien et esjilid aien; et idim upene nidan.

Nitai ehvaig 19:5

Is ahes a dorona nohran tah, um ika, Akumu imyiahpas Atua uja aijaua asega, ak ilpu aheca o un, im lep aijaua eka imtitai yin aijaua, ak tup atimi, im ilpu atimi alupas.