Lukas 1:49 - Intas Etipup

⁴⁹ Is ago nedo emda vai nyak Aien et esjilid aien; et idim upene nidan.

Lukas 1:49 Iomraidhean Croise

Jenesis 17:1

IS wat eteuc inmesese is nainte nain irai Ebram, is ehcohos pan ehele Ebram a Ihova, um ika ehelen, Ek Atua emda acen ainyak; atga an nuhup unyak aiek, um ago nedo atoh.

Saam 111:9

Is imiatamaig ilpu atimi o un aien: is ati intas etipup o un aien mika yi amen irai iji mesese: et itap nidan, eri lep ecen vaig.

Saam 24:8

Et Atimarid esjilid a di? Ihova marom, et esjilid aien um emda, et emda a Ihova an nedoa.

Saam 99:3

Erupu imiahpas nidam ara et esjilid, er imtitaig vaig; et upene aien.

Saam 99:9

Akumu imiahpas Ihova Atua uja aijaua, um atpuse an nedoon itap o un; et idim upene a Ihova Atua uja.

Eksotus 15:11

Et idivai euc a di, ak Ihova, irai ilpu atimi alupas? et idivai euc a di, et esjilid nedo upene unyum, er imiahpas euc jam imtitaig, na ago nedo imiali aiek?

Aiseya 1:24

Va nedo inigki et ika a Natimarid, Ihova esjilid acen, Atua emda u nup Isreel marom, Kaiheuc vai ra, ekpu atcijaig ilpu atimi tak atimi irak ainyak; ekpu aru nedo o ilpu atimi edemda vai nyak ainyak.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Aiseya 6:3

Eris ahlaig jipe ara, um ika, Et upene a Ihova esjilid acen, et upene aien, et upene aien: et ohua natimi alupas o un an nobohtan asega.

Aiseya 63:1

DI nigki, et ahes Itom aien um apam, et ahes Bosra aien, et naunau napelumai o un; eris yecrei apelumai o un, et atga upene aien an nemda alupas o un? Ainyak marom, ek tas inveijec ainyak, ek emda ainyak par imiatamaig atimi.

Jeremaia 10:6

Im lep inig, et eti eteuc tah et idivaig euc, ak Ihova; na alupas aiek, et lep alupas nidam um emda.

Jeremaia 20:11

Ja et amen ehelek a Ihova et idivaig neucsupo er imtitaig alupas yin: va nitai inigki erupu epihtau a ilpu atimi atmas piv vai nyak, erupu eti esjilid irak ara: erupu ehcamai alupas ara: erupu eti ago nedo arapakau ara: uhpu eti ahnag an nehcamai ura irai iji mesese.

Markus 5:13

Is auroauro a Iesu um abrai ra. Eris atceijai yin a ilpu agelo has um ahei picad; eris um athut picad an nohmun isas, um ehlelelse an jop, (eris tu dausant ara,) eris um atpoijej ara an jop.

Lukas 1:48

kis wat tup atahaig ainyak, is aiheuc vai naheca o un aien: erupu asan tas upene vai nyak atimi asega, um yetpan irai iji mesese.

Lukas 1:50

Et aiheuc vai ra aien era imtitaig yin ara, um yetpan irai iji mesese.

Nupu Efesus 3:20

Aien aigki et emda aien par ago itai et esjilid irai itai iji eigki asega inta ugni yin vaig akaija, ka aktaktai, et idiva nemda o un et efauritai iran aien anliinmopja,

Nitai ehvaig 15:4

ak Natimarid, inyi ti imtitaig euc a di? um eti imyiahpas nidam? na idim upene ache aiek; erupu idim apam nup urai iji pece asega, um alaigaheni vai euc; na mun aru nedo o atimi aiek an nuhup u atimi asega.

Nitai ehvaig 4:8

Is siks ehni nehpai iji itai umumoh is for iji ehki: is lep ahinag nesgaiimtara iraili ehpara ara, um arahed ira ra: era eti atumop ara irai iji adiat im niji epeig, um ika, Na upene, na upene, na upene aiek, ak Natimarid Atua emda acen, as upyi eteuc aiek, um lep eteuc an naopan ineig, jai napu lep eteuc aiek.

1 Samuel 2:2

Et eti upene tah, um idivaig Ihova: et idim eti eteuc tah atua, aiek ache: maiya, et eti eteuc inhehteuc, um idivaig Atua uja.