Lukas 1:37 - Intas Etipup

³⁷ et tup upene vai Atua niji itai asega.

Lukas 1:37 Iomraidhean Croise

Jenesis 18:14

Et eti ehka tah nitai vai Ihova. Ekpu lep ham ehelum ainyak an nopan eris ati, etpu apos inhalav atamaig a Sera.

1 Ilpu Atimarid 17:16

Is eti ti flaur an nipjinitai, is lep eti ti narakei an hubej, is idivaig intas o Ihova is asaig aien irai Elaija.

2 Ilpu Atimarid 3:18

Et itai haklin inig an nuhup u Ihova: etpu lep atcijaig nup u Moab aien irai ikmamia.

Nitaasviitai u Job 13:2

Nitai iji igki ehtaij ato aijautaij, ek lep ato ainyak; ehtaij eti esjilid irak aijautaij.

Jeremaia 32:17

Awe, ak Ihova natimarid! as idim ago nohatag aiek im lep nobohtan an nemda alupas unyum, im lep an nikmam as atgeig yi apidi aiek, et lep eti ehka vai euc tah nitai:

Jeremaia 32:27

Namu ato aiek mika, ek Ihova ainyak, Atua u atimi asega: et eti elika vai nyak tah nitai.

Sekaraia 8:6

Et ika a Ihova esjilid acen; El et itai imiali nitai iji igki an nuhup u nahri nup uran pece inigki an nopan inig, ja, et ika a Ihova esjilid acen, el et eti itai imiah an nuhup unyak.

Numera 11:23

Is ika a Ihova ehele Moses, Et eti auatialidi nikmai Ihova: napu almoi aiek kit uhpu ehneijid intas unyak, ka oʼo.

Madius 19:26

Is alum ra a Iesu, um ika ehele ra, Et elika nitai ineigki va atimi; ja et tup upene niji itai asega vai Atua.

Markus 10:27

Is aijidjid ra a Iesu, um ika, Et ehka nitai ineigki va atimi, jam eti ehka vai Atua: et tup upene niji itai asega vai Atua.

Lukas 1:36

et idim opouc a etoam Elisabed irai inhalav atamaig an nefatimi o un: is ti pan itac inmohoc is siks is opouc aien, eris ika is eti asvalav aien:

Lukas 1:38

Is ika a Mere, idim aheca atahaig o Ihova ainyak; etmu eteuc nitai ineigki ehelek, yi idivaig intas unyum. Is ude yin a nagelo, um atga o un.

Lukas 18:27

Is ika aien. Et ehka nitai iji eigki va atimi, ja et tup upene vai Atua.

Nupu Filipai 3:21

etpu ago eche nohuja auatialidi aien, vai yi pu idiva nohun esjilid, et idiva nauritai emda ineig o un et ika aien yi esjilid irai iji itai asega vaig par ohuun.