Lukas 1:17 - Intas Etipup

¹⁷ etpu uhup iran aien, etpu emda inliinmopon aien inyi idivaig Elaija, etpu hedaig inliinmopoi ilpu atmil ura vai ilpu hal ura, im lep inliinmopoi ilpu atimi esjum va narapakau o ilpu atimi upene; etpu ago upene atimi aien par aitgai Natimarid.

Lukas 1:17 Iomraidhean Croise

1 Ilpu Atimarid 17:1

IS tas ehele Ehab a Elaija nup u Tisbi is amen Cileat aien, um ika, Et idim umoh a Ihova Atua u nup Isreel, ek aiji ainyak an nuhup o un, et idim inveijec inyi ti nopoigmul um ti incopda irai hal mesese, ja vai intas unyak ache.

1 Ilpu Atimarid 18:18

Is tas aien, um ika, Kis eti atijai nohocred ainyak irai up Isreel; ja as atijai aiek im lep ra an nimnim u etmam, va nedo unyimia, nikavaig, akis atidjimia irai tas alep u Ihova aijaua, um apitac ilpu atmas.

1 Ilpu Atimarid 21:20

Is ika a Ehab ehele Elaija, Ak natimi tak atimi irak, na mun idim ecet nyak aiek. Is asuptecnaig aien, um ika, Ek mun ecet euc ainyak: na mun idim ahtai euc aiek mika an ago nedo has aiek an nuhup u Ihova.

2 Ilpu Atimarid 1:16

Is ika ehelen aien, Et ika a Ihova, As abraig pan atimi aiek par ahodaig Beal-sibub natmas u nup Ekron, ja et idim eteuc Atua u nup Isreel par ahodai yin; va nitai inigki napu eti udei intinain aiek as aridjai iran aiek, ja napu idim mas aiek.

1 Iji Tas Eled 29:18

Ak Ihova Atua u Ebraham, im Aisak, im Isreel, ehtaij retpoma, aminjinaig nitai inigki an naktaktai u inliinmopoi ilpu atimi unyum irai iji mesese, um ati aktit inliinmopora vai euc:

2 Niji Tas Eled 29:36

Is imiacitak a Hesekaia, im natimi asega, mika is ago upene atimi a Atua: eris tup auroauro um ago nauritai inigki.

Saam 10:17

Ak Ihova, na mun atahaijeg inmerit u ilpu atimi upoupo aiek: napu ago emda inliinmopora aiek: napu atgeig pam intikgam aiek, um atahaijeg intas ura;

Saam 111:10

Natupun narapakau nigki, nikavaig, nimtitai Ihova: et eteuc upene lelra sji igki asega era apos intas alep o un ara: et amen aktit nimiahpas vai yin irai iji mesese.

Saam 78:8

um eti idivaig ilpu retpora, eris ilpu atimi atladwi intas o un ara um imipalea; eris ilpu atimi eti yecrei upene inliinmopora ara; is lep eti inveijec inliinmopora ara ehele Atua.

Aiseya 29:24

Erupu ato narapakau a ilpu atimi et ahnag inliinmopora, uhpu lep esege imi ilpu atimi tas upoupo.

Emos 4:12

Va nitai inigki ekpu ago nitai iji igki vai caua ainyak, ak nup Isreel: ekpu idim ago nitai iji igki vai caua ainyak, va nitai inigki, ak nup Isreel, akumu ago upene caua aijaua par ehtet irai Atua unyimia.

Madius 11:14

El eka merit aijaua natovaig, Elaija mun eigki, eris ika. Etpu ham aien.

Madius 14:4

Is ika ehelen a Joanes, Et itaup vai euc inlehvaig ehgai etoam.

Madius 3:3

Aien aigki is tas vai yin a Aiseya naprofeta, um ika, “Nohran tah et ethi etpu ahlaig aien an namasacen, um ika, Akumu ahped nefalaig vai Ihova aijaua, um ago yi atoh efalaig vai yin.”

Madius 3:4

Is aso yin a Joanes an napelumai alau irai kamela, um ahid narasi kurimatau, um caig inheled im hune.

Lukas 1:16

etpu imyiadumoij pan aien nupu Isreel inyi ahinag ehele Ihova Atua ura:

Lukas 1:76

Ak inhal unyak, uhpu anvi nidam par ika na profeta o un aiek Et esjiiid aien: napu uhup aiek irai Natimarid, par ahped nefalaig vai yin;

Joanes 1:13

ara, is apos ra a Atua, jam eti apos ra vai ilpu retpora, ka inmerit o inliinmopura, ka inmerit o atimi.

Joanes 1:34

Kis ecetai ainyak um asuptecnaig, um ika, Inhal o Atua ineigki.

Joanes 3:28

Eka idim ato aijaua mika kis ika ainyak, Ek eti Kristo ainyak, ja eris abrai nyak mika ki uhup iran ainyak.

Niji auritai o ilpu Apostolo 10:33

Kis auroauro ainyak um abra atimi mika eri apan ehelum; et upene nedo ineigki na ago aiek par ham. Ecra mun asjapicnaig pam igcaki aijama asega an nuhup u Atua, mika ecri atahaijeg niji itai asega is asaig ehelum a Atua.

Nupu Roma 9:23

ja mika yi ehvaig niji itai esjilid an natimi alupas o un aien ebel ipjiitai iji eigki er aiheuc vai ra, is upyi yecrei ra aien vai inpece upene,

Nupu Kolose 1:12

um lep naaurineig vai Etmaija, is ago upene caija aien, mika ti tup ethi ache akaija, um amen ehele ilpu atimi upene an nuarin lah:

2 Timodeus 2:21

El et ago adicinadicin yin tah natimi irai itai iji eigki, inyi ipjinitai upene aien, er ago adicinadicin, um upene vai natimi alupas o un, um yecrei vai nauritai upene asega.

1 Pitrus 2:9

Ja eka “ilpu atimi eris ehtai ra aijaua, um ilpu atimi ahlap atimarid, um ilpu atimi itaup,” um ilpu atimi eris auarimtara; mika aki ehvaig aijaua nupene o un is ahlaig pan vai caua aien an naupat unyimia, um ikni caua an lah o un ineig er imyiali:

1 Joanes 2:28

Va nitai ineigki, ak ilpu hal unyak, akumu apol aktit iran aijaua; va etpu emda inliinmopja akaija an naopan iyehki etpu ehcohos aien, um eti ehcamai an nuhup o un an napam o un.

Nitai ehvaig 20:4

Kis lep ecetai niji dorona ainyak, eris ateuc iran ara, eris ikni ra mika eri asuptecnaig nimtan imi atimi ara: kis lep almoi nesga atimi iji eigki ainyak eris auud yamud idjinira va nasuptecnai Iesu im lep vai intas o Atua; im lep ra sji eigki eris eti alaigaheni va nitai aleg ara, ka nalmun; eris eti leh nitai asjaaicnaig o tin irai ipjiimtara ara, ka nikmara; eris umumoh ara, um atimarid, ehele Kristo irai mesese is wun dausant.

1 Samuel 7:5

Is ika a Samuel, Akumu asjapicnaig nup Isreel asega aijaua an maliyum Mispi, ekpu ugyi Ihova vai caua ainyak.