Lukas 1:14 - Intas Etipup

¹⁴ etpu imyiacitak inliinmopom aiek um cediaig; uhu wit apos yin, erupu imyiacitak yin natimi inyi ahinag:

Lukas 1:14 Iomraidhean Croise

Jenesis 21:6

Is ika a Sera, Et mun ika a Atua ki imiacitak ainyak, erupu lep imiacitak ehelek ara asega era atahaijeg nyak ara.

Niji tas Arapakau 15:20

Et wat arapakau tah inhalav atamaig, et imiacitak yin a etman: ja et wat ahnag tah natimi, et amcel vai risin aien.

Niji tas Arapakau 23:15

Ak inhal unyak, el et arapakau inliinmopom aiek, etpu idim imiacitak inliinmopok ainyak.

Niji tas Arapakau 23:24

Etpu imiacitak alupas a etman natimi upene: im natimi inig et apos inhalav arapakau aien, etpu cediaig vai yin aien.

Jeremaia 20:15

Uhmu asan tas ahlaijaig va natimi inig is asuptecnaig ehele etmak aien, um ika, Eh mun apos ehelum inhalav atamaig; is imiacitak alupas vaig aien.

Lukas 1:13

Is um ika ehelen a nagelo, Jim imtitaig aiek, ak Sakaraias: eh mun atahaijeg nalaigaheni unyum; etpu apos inhalav atamaig a ehgam Elisabed, napu anvi nidan aiek par ika Joanes:

Lukas 1:15

etpu esjilid aien an nuhup o Ihova, inyi ti umnyi waina aien im kava; uhu wit apos yin, etpu idim amen alupas ehelen a Nesgan Upene:

Lukas 1:58

Eris ato a ilpu atimi eblaamnem o un im ilpu atimi ehpan iran, nikavaig, is esjilid naiheuc o Ihova vai yin; eris ehrimyiacitak ehelen ara.