Lukas 1:13 - Intas Etipup

¹³ Is um ika ehelen a nagelo, Jim imtitaig aiek, ak Sakaraias: eh mun atahaijeg nalaigaheni unyum; etpu apos inhalav atamaig a ehgam Elisabed, napu anvi nidan aiek par ika Joanes:

Lukas 1:13 Iomraidhean Croise

Jenesis 17:10

Intas etipup unyak nigki, namu imiaiji aiek im ilpu mapom erupu epitpitac iram ara; nikavaig, Uhmu aperitome irai ilpu halav atamaig unyimia asega.

Jenesis 17:19

Is ika a Atua, Etpu idim apos inhalav atamaig imi euc a Sera ehgam; namu anvi nidan aiek par ika Aisak: ekpu ehneijid intas etipup unyak ainyak ehelen, im lep ehele ilpu mapon erupu epitpitac iran ara.

Jenesis 18:14

Et eti ehka tah nitai vai Ihova. Ekpu lep ham ehelum ainyak an nopan eris ati, etpu apos inhalav atamaig a Sera.

Jenesis 25:21

Is eti asvalav aien, ja is ugyi Ihova a Aisak vai ehgan: is adai intas o un a Ihova, is um opoc a Ribeka ehgan.

Saam 113:9

Et ika aien yi apos ilpu hal o un a intakata eti asvalav, um ateuc anliin neom o un, um imiacitak. Akumu imiahpas Ihova aijaua.

Saam 118:21

Ekpu ago naaurinig vai euc ainyak: nikavaig, na mun atahaijeg intas unyak aiek, um imiatamaig nyak.

Aiseya 8:3

Kis amen ehele ehgak profeta takata ainyak; ja is par opoc aien, um apos inhalav atamaig. Is ika ehelek a Ihova, Namu anvi nidan aiek par ika Mehar-selal-has-bas. (Auroauro um atoraliak itai).

Taniel 10:12

Is um ika ehelek aien, Namu jim imtitaig aiek, ak Taniel: eris idim atahaijeg niji tas unyum, an nadiat uhup, as ika aiek an aktaktai itai aiek, et lep ohocred inliinmopom aiek an nuhup u Atua unyum, ek idim hame ainyak van tas unyum.

Hosia 1:4

Is ika a Ihova ehelen, Namu anvi nidan aiek par ika Jesriil; vaig inig nikavaig, ekpu aru tupko ainyak natgei atmas Jesriil irai ilpu mapoi Jihu, ekpu lep ika ainyak yi ti nelcau u nup Isreel.

Hosia 1:6

Is lep opoc aien um apos inhalav atahig is ethi. Is lep ika a. Ihova ehelen, Namu anvi nidan aiek par ika Loruhema: vaig inig nikavaig, inki eti lep aiheuc vai nup Isreel ainyak; ja ekpu iknipagki ehni ra ainyak.

Madius 1:21

etpu apos inhalav atamaig aien, napu anvi nidan aiek par ika Iesu; etpu imyiatamaig ilpu atimi o un aien va nedo has ura.

Madius 14:27

Is idim tas ehele ra a Iesu, um ika, Etmu eropse inliinmopomia aijaua; ainyak aigki; jim imtitaig aijaua.

Madius 28:5

Is tas a nagelo, um ika ehele intakata erahki, Jim imtitaig aijaurau: ek ato ainyak, nikavaig, erau ahilek Iesu aijaurau eris atgei yin an nauincai atgeig:

Markus 16:6

Is ika ehele ehtaij aien, Jim imtitaig aijautaij: ehtaij ahilek Iesu nup an Nasared aijautaij, eris atgei yin an nauincai atgeig: et mun nusjai aien; et ti aien igcaki: almoi nuarin ineig aijautaij eris ati yin iran:

Lukas 1:14

etpu imyiacitak inliinmopom aiek um cediaig; uhu wit apos yin, erupu imyiacitak yin natimi inyi ahinag:

Lukas 1:30

Is ika ehelen a nagelo, Jim imtitaig aiek, ak Mere: et mun aiheuc vai euc a Atua:

Lukas 2:21

IS wat ti pan itac nadiat is eet eris aperitome irai inhalav, eris anvi nidan par ika IESU, is anvi nidan a nagelo an naopan iyehki is pam eti opouc iran a risin.

Niji auritai o ilpu Apostolo 10:31

um ika, Ak Kornilyus, eh mun atahaijeg nalaigaheni unyum, et lep imyiehva a Atua nedo aiheuc unyum vai ilpu ihki atimi:

Ilpu Atimi Tas Alep 6:23

Is ika ehelen a Ihova, Etmu eteuc nigpa ehelum; namu jim imtitaig aiek: napu eti mas aiek,

1 Samuel 2:21

Is aiheuc vai Hanna a Ihova, is um opoc aien, um apos inhalav atamaig is eseij, im inhalav atahig is ero: is auata alupas a Samuel nadualep iyehki an nuhup u Ihova.