Lukas 1:1 - Intas Etipup

¹ ERIS idim ika natimi is ahinag eri asuptecnaig upene nauritai iji eigki inta idim imyiisjis ninivaijec vaig akaija,

Lukas 1:1 Iomraidhean Croise

Markus 16:20

Eris apan ara, um asuptecnaig intas irai iji uari pece asega; is auritai ehele ra a Natimarid, um ago ipjin intas ura irai iji auritai ehka is apitac ira ra. Emen.

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Nupu Roma 14:5

Et aktaktai natimi et ethi mika et esjilid tah nadiat iran tah nadiat: et aktaktai intak atimi mika et tup apapa nadiat asega. Etmu imyiisjis ninivaijec inliinmopoi atimi asega.

Nupu Roma 4:21

is ato upene aien mika et emda aien par ago nitai ineig is upyi asaig aien.

Nupu Kolose 2:2

mika yi eropse inliinmopura ara, um aiyu jipe vai ra, um tup ethi ache inliinmopura, um esjilid acen nimyiisjis ninivaijec ura an nato itai, va erupu ato upene ara nitai adenaig u Atua Etmaija, im Kristo;

Nupu Kolose 4:12

Et aiheuc vai caua a Epafras, et up uran pece unyimia aien, um lep aheca u Kristo, et ugni emda vai caua aien irai iji adiat ira alaigaheni, mika aki aiji aktit aijaua um upene asega an tas asega o Atua.

1 Nupu Desalonaika 1:5

va nitai ineig, nikavaig, is eti yetpam intas-upene unyak ehelemia an tas ache, ja an nemda, im lep an Nesgan Upene, im lep an nimyiisjis alupas; eka idim ato aijaua nedo unyak vai caua, an namen unyak ehelemia.

1 Timodeus 3:16

ET idim inivaijec neigki, nikavaig, et esjilid nitai adenaig an nedo eccen vai Atua, nikavaig, Is ehcohos a Atua an nohun, is ika a Nesgan Upene et atoh nedo o un, eris ecet yin a ilpu agelo, eris asuptecnai yin ehele nup urai iji pece, eris asgeig iran an nobohtan, eris lep imyiapan yin an pece upene.

2 Timodeus 4:17

Ja is amen ehelek a Natimarid, um ago emda nyak; mika ki asuptecnaig ehni intas-upene ainyak; eri lep atahaijeg a nup urai iji pece asega: eris lep imyiatamaig nyak u nipjineucse laion.

Ilpu Hibru 10:22

va nitai ineigki intumu apan ubutpotet anliinmopja inivaijec akaija, um imyiisjis ninivaijec emda, um ago adicinadicin inliinmopja va naktaktai has uja, um yiri nohuja an wai weilah.

Ilpu Hibru 6:11

Ek lep merit ainyak mika aki emda aijaua asega, um ago nedo iyehki, um aitgaig emda inmerit unyimia, um yetpan an nehni o un: