Josua 9:9 - Intas Etipup

⁹ Eris asuptecnaig ehelen ara, um ika, Ecris ahes an pece itac acen aijama ilpu aheca unyum, va nidai ihova Atua unyum: ecris atahaijeg intas vai yin aijama, im nedo asega o un an pece Ijipt,

Josua 9:9 Iomraidhean Croise

1 Ilpu Atimarid 8:41

Im lep nup urai taka pece, era eti nup Isreel unyum ara, jam ahes an pece itac acen va nidam;

Nihemaia 9:5

Eris tas a ilpu mapoi Livai iji igki; nan, Josua, im Katmiel, im Benai, im Hasabnaia, im Serebaia, im Hotaija, im Sebanaia, im Pedahaia, um ika, Atidai aijaua um imiahpas Ihova Atua unyimia irai iji mesese: eris lep ika ara, Ak Atua, naaurinig va nidam esjilid, et esjilid acen irai tas acis yi alwai asega im nimiahpas.

Saam 148:13

erumu imiahpas nidai Ihova ara: vaig inig nikavaig, et esjilid nidan ache; et esjilid natimi alupas o un an nobohtan im lep an nohatag.

Saam 72:19

Uhmu imiahpas nidan esjilid irai iji mesese: uhmu imiahpas alupas nidan an nobohtan asega; Emen, um Emen.

Saam 78:12

Is ago nedo imiali aien an nuhup u ilpu retpora, an pece Ijipt, an nuarin pece Soan.

Saam 83:18

va erupu ato natimi, mika nai esjilid acen aiek ache an nobohtan asega: nidam nigki Ihova.

Eksotus 15:14

Erupu atahaijeg natimi, um imtitaig: erupu ohocred a nup u Palestaina.

Eksotus 9:16

Kis idim imiatidai euc ainyak va nitai inigki, mika ki ehvaig nemda unyak ainyak iram; va uhpu asuptecnaig nidak an nobohtan asega.

Aiseya 55:5

Namu ato aiek, mika an imiacaij nup urai pece iji ig na eti ato ra aiek; erupu lep athut pam ehelum a nup urai pece iji ig eris eti ato euc ara, vai Ihova Atua unyum, im lep vai Atua upene u nup Isreel; et mun idim ika aien eri ecen vai euc.

Aiseya 66:19

Ekpu ati nitai imiali imi ra ainyak; ekpu lep abraig pan hal irai ra sji igki ainyak erupu umumoh ara, mika, eri apan ehele nup urai iji pece, nikavaig. Tarsis, im Pul, im Lut, ilpu atimi apos efana, im Tubal, m Jevan, im niji hakli pece an jap itac acen, era mun eti atahaijeg intas vai nyak ara, um eti almoi natimi alupas unyak; erupu asuptecnaig natimi alupas unyak ara ehele nup urai iji pece.

Numera 14:15

Ja el et atgei natimi iji igki asega aiek et idivaig natimi et tup ethi ache, erupu tastas a nup urai iji pece eris atahaijeg intas vai euc ara, um ika,

Numera 20:14

Is abra atimi a Moses mika eri ahes Ketes ara um apan ehele natimarid an pece Itom, um ika, Era ika a nup Isreel ilpu etwam, Na ato aiek nohocred asega is yetpam irama:

Niji auritai o ilpu Apostolo 8:7

Eris ahlaig ijinies a ilpu agelo has, um atceijaig natimi is ahinag eris amen ira ra ara: eris lep cehcehe natimi is ahinag eris emehe ara va napalse, im ilpu atimi asvahteuc neduora.

Tyuteronome 20:11

El era asa nigpa ehelemia ara, um asalgei intapnes vai caua, erumu tup ahtai itai imi caua natimi asega iran, um aheca unyimia.

Tyuteronome 20:15

Etmu uce nedo unyimia aijaua vai niji maliyum asega itac acen vai caua, et eti niji maliyum irai pece iji ehki.

Josua 9:10

im nedo asega o un vai ohwat atimarid u nup Emor erus amen an nahaijin Jortan igcapan arau, nan, Saihon natimarid an pece Hesbon, im Oc natimarid an pece Besan, is amen Astarod aien.

Josua 9:16

Eris asa nigpa ehele ra ara, ja is wat ti pan itac nadiat is eseij, eris atahaijeg ara mika eris atimi eblaamnem ura ara, um amen ehele ra.

Josua 9:17

Eris atga a nup Isreel, um apan irai iji maliyum ura, an nadiat dirt. Inmaliyum ura ji igki, nan, Cibeon, im Kifaira, im Biirod, im Kirjad-jiarim.

Josua 9:24

Eris asuptecnaig ehele Josua ara, um ika, Eris idim asaig ehele ilpu aheca unyum mika, is tas alep ehele Moses a Ihova Atua unyum mika yi alupai caua inpece asega, um auahas nup uran pece asega an nuhup unyimia, va nitai inigki ecris imtitaig aijama vai caua, um ago nedo inigki.