Josua 8:4 - Intas Etipup

⁴ Is tas ehele ra aien, um ika, Akumu atpuh aijaua ubutpotet pan an maliyum, an nahaijin itac: jim apan itac acen vai inmaliyum, jam amen upene:

Josua 8:4 Iomraidhean Croise

2 Ilpu Atimarid 7:12

Is atidai a natimarid an nepig, um ika ehele ilpu aheca o un, Ekpu ehvaig ehelemia ainyak nitai inigki eris ago vai caija a nup u Siria. Era ato ara mika inta ahvig nitai caig akaija; va nitai inigki era mun udei nuarin amen iran u ilpu eucsupo ara um apan um atpuh an lelitai, um ika, Eru wit apan itac an maliyum ara, intupu arop ira ra akaija, um apan an maliyum.

2 Niji Tas Eled 13:13

Ja is ika a Jeroboam yi asjeuc nedoa an cehera: eris amen ara an nuhup u nup u Juta, is lep asjeuc nedoa an cehera.

Natimi Efehtas 7:19

Et emda tah natimi arapakau va narapakau o un, um esjilid irai natimi alupas et ten era amen an maliyum ura ara.

Natimi Efehtas 9:16

Ja kis par ika ainyak, Et esjilid narapakau irai nemda: ja er amcel vai narapakau u natimi ilikin natimi iyehki, um eti atahaijeg intas o un.

Niji auritai o ilpu Apostolo 23:21

ja an jim adai intas ura aiek: era atpaijinai yin natimi et forte um eled ira ra, eris asjis ara, um ika, eri eti hag um eti umwig, jam upyi hup um atgei yin: era imyiiris yin ara an naopan ineig, um aitgaig intas unyum.

Josua 8:16

Eris asjapicnaig a nup Eai asega um apitac ra: eris apitac Josua ara, um apan itac acen vai inmaliyum.

Josua 8:3

Is atidai a Josua im ilpu eucsupo asega par aridjipan Eai: is aniv ilpu atimi emda is dirte dausant (30,000) a Josua, um abraig pan ra an nepig.

Ilpu Atimi Tas Alep 20:29

Eris ikni atimi a nup Isreel mika eri imiiris ara um arehed irai Cibea.

Ilpu Atimi Tas Alep 20:33

Eris atidaijai a nup Isreel asega ahes an nuarin ura, um atah ira ra Beal-temar: eris lep ahes irai uarin atpuh iran ura a ilpu atimi imiiris, eris ahes irai mai ij irai Cibea ara.

Ilpu Atimi Tas Alep 20:36

Eris idim ecetai a ilpu mapoi Benjamin mika, eris auud nup Isreel is idivaig an nopan iyehki: eris aha a nup Isreel an nuhup u ilpu mapoi Benjamin, vaig inig nikavaig, eris asgeig ara irai ilpu atimi imiiris iji ig eris ikni ra ara par arehed irai Cibea.

Ilpu Atimi Tas Alep 9:25

Eris ikni ilpu atimi imiiris yin a ilpu atimi alupas u nup u Sikem irai lola edoon, eris atoraliak itai ura sji igki asega ara eris apan ara an nefalaig iyehki um ahtaregdei ra: eris asuptecnaig nedo inigki ehele Abimelek.

Ilpu Atimi Tas Alep 9:32

Va nitai inigki atidai aiek an nepig, aiek im natimi iji ig era amen ehelum ara, um atpaijinai ra an lelitai:

1 Samuel 15:2

Et um uce intas o Ihova emda acen, Ek imiehva ainyak nedo o nup Amalek vai nup Isreel, nikavaig, eris imiiris ra ara an nefalaig, eris wat udei Ijipt ara um aridjipam igcaki.

1 Samuel 15:5

Is yetpan inmaliyum is ethi u nup Amalek a Saal, um atpaijinai an niskanse iyehki.