Josua 8:2 - Intas Etipup

² namu ago nedo iyehki aiek vai Eai im natimarid iran as ago aiek vai Jeriko im natimarid iran: ja akumu lucsei naga iran aijaua, im niji itai eklim edo irai pece vai caua: namu ikni ilpu eucsupo aiek mika eri atpuh ara an nahaijin maliyum itac.

Josua 8:2 Iomraidhean Croise

2 Niji Tas Eled 13:13

Ja is ika a Jeroboam yi asjeuc nedoa an cehera: eris amen ara an nuhup u nup u Juta, is lep asjeuc nedoa an cehera.

2 Niji Tas Eled 20:22

Eris wat atupun ara um acesaces nohraiitai um imiahpas, is ika a Ihova eri atpaijinaig nup Amon, im nup u Moab, a nup uran nedoon Sier, eris ham ara par ati nedoa vai nup u Juta; eris lep auud ra ara.

Saam 39:6

Era idivaig nalmui itai natimi an natga ura: et ehioehio inliin mopora ara vai intakitai: era ikni o itai ara, jam eti ato atimi iji ig eri ohuun ara.

Niji tas Arapakau 13:22

Et ikni niji itai o un a natimi upene vai ilpu mapon: ja er ikni naga u ilpu atimi auatatimi vai ilpu atimi upene.

Niji tas Arapakau 28:20

Aien et ago nedo inveijec aien, etpu ahinag niji itai upene o un: ja aien et auroauro aien mika yi ikni itai, etpu leh neruvaig aien.

Jeremaia 17:11

Natimi inig et leh naga aien ja eti va nedo atoh, et idivaig inman inig aien et aibuthan nohwai man et eche; etpu udei naga o un an nohoigmeto o un, etpu atimi ahnag aien an nopan mas o un.

Jeremaia 51:12

Akumu atijai nitai ahlaig aijaua ijinies irai athatahau irai Babelon, um aminjinaig upene, um ikni ilpu atimi iasias, um aniv ilpu atimi atpaijinaig: et mun ago nedo inig vai nup u Babelon a Ihova, is upyi anacanac aien vai ra um lep asaig.

Tyuteronome 2:35

intis lucsei niji itai eklim edo irai pece ache akaija imi caija, im lep inpadiaig irai iji maliyum.

Tyuteronome 20:14

Ja akumu lucsei imi caua aijaua ilpu takata, im ilpu halav, im niji itai eklim edo irai pece, im naga asega iran; akupu caig niji itai u ilpu atimi tak atimi iramia aijaua, etpu alupai caua a Ihova Atua unyimia.

Tyuteronome 3:2

Ja is ika ehelek a Ihova, Jim imtitai yin aiek: ekpu ati yin an nikmam ainyak, im lep ilpu atimi o un asega, im inpece o un; namu ago nedo inigki vai yin aiek, as ago aiek vai Saihon natimarid u nup Emor is amen Hesbon aien.

Josua 10:1

IS wat atahaijeg a Atoni-sitek natimarid an maliyum Jerusalem mika is atoraliak inmaliyum Eai a Josua, um auahas ehni; is ago nedo iyehki aien vai Eai im lep vai natimarid iran, is upyi ago aien vai Jeriko im lep vai natimarid iran; um ato mika eris asa nigpa a nup u Cibeon ehele nup Isreel, um amen ehele ra;

Josua 10:28

An nadiat iyehki is atoraliak Makita a Josua, um atgei atimi iran an nedoa, is auahas ehni natimarid iran aien, im lep natimi asega; is eti imialep tah aien: is ago nedo iyehki aien vai natimarid u nup u Makita, is upyi ago aien vai natimarid u nup u Jeriko.

Josua 11:14

Eris lucsei naga asega irai maliyum iji ehki a nup Isreel, im niji itai eklim edo irai pece ura, imi ra; ja eris auahas atimi asega an nedoa, um atgei ehni ra, is eti umoh tah is ethi.

Josua 6:21

Eris ati nedoa ara um auahas ehni niji itai asega an maliyum iyehki, ilpu atamaig, im ilpu takata, im ilpu takuras, im ilpu fatimi, im kurimatau, im siip, im togke.

Josua 8:12

Is lucsei atimi is faiv dausant aien, um ikni ra mika eri atpuh ara an niblai Bedel im Eai, an nahaijin maliyum an nete o un.

Josua 8:14

Is wat ato a natimarid an maliyum Eai, eris auroauro ara um atidai an nuhialeg, eris apan natimi an maliyum par ago nedoa vai nup Isreel an nuarin marara, an nuarin nadiat iyehki eris upyi anvai, aien im lep natimi asega o un; ja is eti ato aien mika eris atpuh natimi vai yin an nahaijin maliyum itac.

Josua 8:19

Eris auroauro a ilpu atimi atpuh, um ahes an nuarin amen ura, is wat adaigjai nikman aien, eris athut ara: eris apan an maliyum ara, um atoraliak, um auroauro um atnamud inmaliyum.

Josua 8:24

Eris auud nup Eai asega a nup Isreel anliin inpece, an namasacen eris ahau pan ra iran ara, eris lep emesmas ara asega an nedoa um atiih, ja eris adumoij pan Eai a nup Isreel asega, um atgei atimi iran irai ij va atimi.

Josua 8:3

Is atidai a Josua im ilpu eucsupo asega par aridjipan Eai: is aniv ilpu atimi emda is dirte dausant (30,000) a Josua, um abraig pan ra an nepig.

Josua 8:7

Ja akumu atidai an nuarin atpuh unyimia aijaua, um atoraliak inmaliyum: etpu atcijaig imi caua a Ihova Atua unyimia.

Josua 8:8

Aku wit atoraliak inmaliyum aijaua, akumu atnamud aijaua: ago aijaua yi idivaig intas alep u Ihova ehelemia. Ek mun idim asaig ehelemia ainyak.

Josua 8:9

Is abraig pan ra a Josua: eris apan ara um atpuh, um amen an niblai Bedel im Eai, an nahaijin Eai an nete o un: ja is asjeuc a Josua ehele atimi asega an nepig iyehki.

Josua 9:3

Eris wat atahaijeg a nup u Cibeon va nedo o Josua vai Jeriko im Eai,