Josua 7:9 - Intas Etipup

⁹ Erupu ato a nup u Kenan, im lep natimi asega an pece, um ahtag pam irama, um auahas ehni nidama an nobohtan: napu lep ago inhe aiek va nidam esjilid?

Josua 7:9 Iomraidhean Croise

Saam 115:1

UHMU jim imiahpas cama, ak Ihova, uhmu jim imiahpas cama, jam imiahpas nidam, va naiheuc unyum, im intas inveijec unyum.

Saam 48:10

Ak Atua, era imiahpas euc a nup uran nobohtan asega va nidam: et ohua nedo atoh an matam.

Saam 79:9

Ak Atua imiatamaig cama, namu atau imi cama aiek va nidam esjilid: um imiatumumoh cama, um ohpodopod nedo has unyima, va nidam.

Saam 83:4

Era mun ika ara, Apam, um auahas ra, vai eri jim amen an pece ura ara; va uhpu eti lep imiehva nidai nup Isreel.

Saam 83:5

Era mun tastas jipe ara, et tup ethi ache inliinmopora ara: era asan tas aktit ara par aat iram:

Eksotus 32:12

Erupu a uri a nup Ijipt par tas, um ika, Is iknipagki ra aien par ago niji itai has vai ra, um atgei ra irai lola edoon, um arahon ra an nobohtan? Namu atidjim aiek an tavaitap esjilid unyum, um aiheuc vai ilpu atimi unyum, vai yi jim yetpam ira ra niji itai has iji igki.

Esikiel 20:9

Ja kis ago hal auritai ainyak va nidak, va yi jim has an nuhup u nup urai pece iji ig eris amen ehele ra ara, kis lep ika ainyak eri ato nyak ara an nuhup u ra sji ehki, an niknipagki ra unyak an pece Ijipt.

Joel 2:17

Erumu taigtaig an niblan naiyu im natau a ilpu atimi ahlap, ilpu aheca u Ihova marom, erumu ika ara, Ak Ihova, namu aiheuc vai ilpu atimi unyum aiek, um jim atcijaig atimi na ohuun ra aiek mika eri ehcamai ara, va eri jim esjilid ira ra a nup urai iji pece: et eti upene mika eri ika natimi, Atua ura yek eda?

Maika 7:10

Etpu ecetai a natimi inig et edemda vai nyak aien, etpu ataluopni yin nehcamai is ika ehelek aien, Et amen a Ihova Atua unyum eda? ekpu alum yin an nesganimtak ainyak: uhpu auwihise yin an nopan inig et idivaig nosal irai efalaig.

Numera 14:13

Is ika a Moses ehele Ihova, Erupu atahaijeg a nup Ijipt (as idim iknipagki natimi iji igki an nemda unyum aiek ehele ra;)

Joanes 12:28

Ak Etmak, namu ika aiek eri imyiahpas nidam. Is ahes an nohatag nohran tah, um ika, Ek mun imyiahpas ainyak, ekpu lep imyiahpas ainyak.

Tyuteronome 9:28

va eri jim ika a nup man pece iyehki as iknipagki cama iran aiek, Is auatialidi a Ihova nimiapan ra vaig an pece iyehki is upyi asaig ehele ra aien, is lep amcel vai ra aien, va nitai inigki is iknipagki ra aien mika yi atgei ra an namasacen.

Josua 7:10

Is tas a Ihova ehele Josua, um ika, Namu atidai aiek; na a uri aiek par atpuh an nesganimtam?

Josua 7:8

Ak Ihova, inki asan he ainyak, era wat aha a nup Isreel vai ilpu atimi tak atimi ira ra!

1 Samuel 12:22

Inyi idim eti udei ilpu atimi o un a Ihova va nidan alupas: is upene irai Ihova par ika aki atimi o un aijaua.