Josua 7:7 - Intas Etipup

⁷ Is ika a Josua, Awe! ak Ihova Atua unyima, as uri aiek par imialgauwaig atimi iji igki Jortan, um atcijaig cama pan irai up Emor, mika eri auahas cama? el is upene vai cama, el ecris amen aijama an nahaijin Jortan igcapan!

Josua 7:7 Iomraidhean Croise

2 Ilpu Atimarid 3:10

Is ika a natimarid u nup Isreel, Awe! et mun asjapicnaig pam ehtaij atimarid et eseij a Ihova, par atcijaig ehtaij an nikmai nup u Moab!

Saam 116:11

kis imtitaig ainyak, um ika, Era asan tas ahcil natimi asega.

Eksotus 16:3

eris ika ehele rau a nup Isreel, El is upene vai cama el ecris emesmas aijama va nikmai Ihova an pece Ijipt, ecris wat amen aijama ui ipjiuru atho nitai hegaig iran, um caig nitai caig, um geije; arus imiapam cama aijaurau an namasacen inigki, par atgei atimi iji igki asega an numlaig.

Eksotus 17:3

Eris ahvig wai eahki natimi; eris lep edemda vai Moses natimi, um ika, As a uri aiek par iknipagki cama an pece Ijipt, par auahas cama va nahvig wai, im lep ilpu hal unyima, im niji itai eklim edo irai pece unyima.

Numera 14:16

Is auatialidi a Ihova par imiapan natimi iji igki an pece is asan tas aktit vaig aien ehele ra, va nitai inigki is atgei ra aien an namasacen.

Numera 14:3

Is a uri a Ihova par imiapam cama an pece inigki, par emesmas an nedoa? erupu ilpu ohua an nedoa a ilpu ehgama, im ilpu hal unyima: et upene mika ecri lep adumoij pan an pece Ijipt aijama.

Madius 17:17

Is tas a Iesu, um ika, Ak ilpu atimi imyiisjis nahcil im ilpu atimi auatatimi, kis amen ehelemia ainyak is itu irak, um eropse inliinmopok ainyak vai caua um itu irak: imyiapam yin igcaki ehelek aijaua.

Madius 17:20

Is um ika ehele ra a Iesu, Va nimyiisjis nahcil unyimia: et inivaijec ineig ek asaig ehelemia ainyak mika, El et eteuc nimyiisjis ninivaijec unyimia et idivaig nupsi mustart, aku wit tas ehele nedoon ineig aijaua, mika yi atga um apan an tah anuarin; el et par apan; el et ti ehka vai caua tah nitai:

Ilpu Hibru 12:5

eka ahnag irai tas ated caua aijaua, et tas ehelemia et idivai ilpu halav, um ika, “Ak inhal unyak, jim imyiacal nated euc u Ihova aiek, um jim auatialidi vai intas acaiji euc o un:

Josua 7:6

Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.

Josua 7:8

Ak Ihova, inki asan he ainyak, era wat aha a nup Isreel vai ilpu atimi tak atimi ira ra!

Ilpu Atimi Tas Alep 20:23

Eris ago emda inliinmopora natimi, nup Isreel marom, um aketo um atah ira ra an nuarin iyekki eris atah ira ra an nadiat uhup.

1 Samuel 4:3

Eris wat asjapicnaig natimi an nuarin amen ura, eris ika a ilpu atimi alupas u nup Isreel, Et a uri a Ihova par auud caija inpig an nuhup u nup u Filistia? Intumu leh nelcau inig akaija Sailo et amen iran intas etipup u Ihova; intu wit leh akaija, kit etpu imiatamaig caija vai ilpu atimi tak atimi iraija.