Josua 7:6 - Intas Etipup

⁶ Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.

Josua 7:6 Iomraidhean Croise

Jenesis 37:29

Is adumoij pan u nehpanitai a Ruben; ja is eti amen a Josef an nehpanitai; is ahpati napelumai o un aien.

Jenesis 37:34

Is ahpati napelumai o un a Jekob, um areraig napelumai uucai, um taigtaig vai inhal o un ira adiat is ahinag.

2 Samuel 1:11

Is um leh napelumai itac o un a Tevit, um ahpati; eris lep ago natimi asega eris amen ehelen:

2 Samuel 1:12

eris aunyauwaig ara, um ehtigtaig, um atwakam um yetpan an jupura, vai Saal, im Jonadan inhal o un, im lep vai ilpu atimi u Ihova, im lep vai nup Isreel; nikavaig, eris emesmas ara an nedoa.

2 Samuel 1:2

is wat nadiat dirt, is ahes ehele Saal an nuarin asjapicnaig u ilpu eucsupo a natimi is ethi, is ahpati napelumai o un, is amen nobohtan an nidjinin: is wat yetpan ehele Tevit aien, is eropse an nobohtan aien, um ecen vai yin.

2 Samuel 12:16

Is ugyi Atua a Tevit, vai inhalav; is atwakam a Tevit, um apan anliin neom, um asjeuc an nobohtan an nepig asega.

2 Samuel 13:19

Is um atijai nohpa an nipek o un a Temar, um ahpati napelumai agedaged iyehki, is aso yin iran aien, um atijai nikman au nipek o un, um atga taig.

2 Samuel 13:31

Is atidai a natimarid, um ahpati napelumai o un, um asjeuc an nobohtan; eris aiji ehelen a ilpu aheca o un asega, eris ahpati napelumai ura.

2 Ilpu Atimarid 22:11

Is wat atahaijeg intas a natimarid an nitaasviitai eris aged intas alep iran, is ahpati napelumai iran aien.

2 Niji Tas Eled 34:19

Is wat atahaijeg intas an tas alep a natimarid, is ahpati napelumai iran aien.

Esra 10:1

IS ago nalaigaheni a Esra, um asuptecnaig nedo has u atimi, um taig, um eropse an nuhup u neom u Atua, ja eris asjapicnaig pam ehelen natimi is ahinag irai up Isreel, ilpu atamaig im ilpu takata im ilpu halav: is esjilid acen intaig u atimi.

Nihemaia 9:1

ERIS asjapicnaig a nup Isreel an nadiat twente ford an mohoc, inigki, um atwakam, um aso ra ira apelumai uucai, um ehrinma irai idjinira.

Ester 4:1

IS wat ato a Mortike va niji itai asega eris ago, is ahpati napelumai o un a Mortike, um aso yin irai apelumai uucai, um ati nohpa iran, um alau ijo, um atga an maliyum, um ahlaig ijinies, um aunyauwaig;

Ester 4:3

Eris ehtigtaig alupas a nup u Juta irai uari pece asega, is apan iran intas alep u natimarid im nitai inig is asaig aien; eris lep atwakam ara, um taig, um aunyauwaig; eris asjeuc ira apelumai uucai natimi is ahinag, um ati nohpa ira ra.

Nitaasviitai u Job 1:20

Is atidai a Job, um ahpati napelumai o un, um ucsei nidjinin, um eropse an nobohtan, um alaigaheni,

Nitaasviitai u Job 2:12

Ehtijis wat alum yin ahtaij itac acen, jam eti ato yin, ehtijis taigtaig alupas ahtaij, um ahpati apelumai u ehtaij, um ehrinma ijinies irai idjini ehtaij.

Nitaasviitai u Job 42:6

Vai nitai inigki, ek amcel vaig intas unyak ainyak; ek lep taigtaig ainyak, um ateuc au mah im nohpa.

Niji tas taigtai 2:10

Era ateuc an nobohtan a ilpu atimi alupas u nup u Saion, era eucsup ara: era mun ehrin mah irai idjinira ara; era mun aso ra ira apelumai uucai ara: era atpuse a ilpu halav atahig u Jerusalem um yetse an nobohtan.

Numera 14:6

Erus lep ahpati napelumai urau a Josua inhal u Nun, im Keleb inhal u Jefunni, erus ahced ra sji ehki arau eris aijidjid inpece ara:

Numera 16:22

Erus atpuse arau, um ika, Ak Atua, Atua u nesga atimi asega, napu atavaitap aiek va atimi asega, va nedo has u natimi et ethi ache, ka oʼo?

Numera 16:45

Arumu udei atimi iji igki aijaurau, mika ki auroauro ainyak um auahas ra. Erus eropse an nesganimtarau arau.

Niji auritai o ilpu Apostolo 14:14

Erus wat ato ahwat apostolo Barnabas im Paulo, erus ahpati napelumai urau arau, um athut pan ehele atimi, um ahlaig ijinies,

Josua 7:7

Is ika a Josua, Awe! ak Ihova Atua unyima, as uri aiek par imialgauwaig atimi iji igki Jortan, um atcijaig cama pan irai up Emor, mika eri auahas cama? el is upene vai cama, el ecris amen aijama an nahaijin Jortan igcapan!

Nitai ehvaig 18:19

Eris ehrinma irai idjinira ara, um ahlaig ijinies, um ehteigtaig, um aunyauwaig, um ika, Auwe, kaiheuc vai inuarin-pece alupas inaico, eris ikni itai iran ara asega is amen niji elcau ura an jop, va nimtan alupas o un! ja eris auahas yin an nuarin-nadiat is ethi ache.

Ilpu Atimi Tas Alep 11:35

Is wat ecet yin a Jefda, is ahpati napelumai o un aien, um ika, Awe, ak inhal unyak! na mun imiasuol nyak aiek, et ehioehio inliinmopok ainyak vai euc: ek mun asalgei nipjineucsek ainyak ehele Ihova, et lep ehka vai nyak par adumoij pam.

Ilpu Atimi Tas Alep 20:23

Eris ago emda inliinmopora natimi, nup Isreel marom, um aketo um atah ira ra an nuarin iyekki eris atah ira ra an nadiat uhup.

Ilpu Atimi Tas Alep 20:26

Eris aridjipan a nup Isreel asega, natimi asega marom, um yetpan an neom u Atua, um ehtigtaig, um ateuc eahki an nuhup u Ihova, um atwakam an nadiat iyehki um yetpan an jupura, um ahlap irai iji itai ahlap atnamud im niji itai ahlap va nigpa an nuhup u Ihova.

Ilpu Atimi Tas Alep 21:2

Eris ahtag pam natimi an neom u Atua, um amen eahki um yetpan an jupura an nuhup u Atua, um aunyauwaig, um ehtigtaig alupas;

1 Samuel 4:12

Is ahes u nedoa a mapoi Benjamin is ethi, um athut, um yetpan Sailo an nadiat iyehki; eris ahpati napelumai o un, is amen nobohtan an nidjinin.