Josua 7:5 - Intas Etipup

⁵ Eris atgei natimi is dirte siks ira ra a nup Eai: eris ahes an neucse nathatahau ara um ahau ra um yetpan Sebarim, um auud ra an nasuol vaig ura: va nitai inigki is ahga inliinmopoi atimi um idivan wai.

Josua 7:5 Iomraidhean Croise

Saam 22:14

Er atladwi nyak et idivaig inwai, et lep esjiliek niji eduok asega: et idivaig nasancai inliinmopok ainyak; et ahga anliin nipjinetgak.

Saam 58:7

Erumu atiih ara, et idivaig inwai et yah irai iji adiat; etu wit aiyihi nefana o un a Atwa, uhmu asjaldei sjipe ra.

Aiseya 13:7

Va nitai inigki etpu asjileuc nikma atimi asega, um auatialidi inliinmopoi atimi asega:

Esikiel 21:7

Eru wit ika ehelum ara, Na a uri aiek par adijai euc? namu ika aiek, Vai intas; vaig inig nikavaig, etpu ham: etpu auatialidi inliinmopoi atimi asega, etpu eucjeucjeucaij nikma atimi asega, etpu arici nohu atimi asega, etpu idivaig inwai nijin neduei atimi asega: et ika a Natimarid Ihova, Etpu idim yetpam, maiya, etpu idim eteuc.

Levitikus 26:36

Im lep ra sji igki eri eled ara iramia um umumoh, ekpu ika ainyak yi auatialidi inliinmopora ara irai iji pece u ilpu atimi tak atimi ira ra; erupu aha ara van motjan nerin cai et ahlaadaig nimtinjap; erupu aha ara vaig, et idivaig tah et aha aien va nedoa; erupu eropropse ara etu wit eti ahau ra tah.

Nehum 2:10

Et ahyuahyu inmaliyum Ninevi, um umaruma, um ti nitai iran: et auatialidi inliinmopoi atimi, et eucjeucjeucaij niji eduora, et emda alupas inwauahid ura asega, et has nesganimtara asega va nimtitaig ura.

Tyuteronome 1:44

Eris apan ehelemia a nup Emor, eris amen ara an lolan nedoon iyehki, um ahlo caua, et idivaig nedo o bi, um auahas caua Sier um yetpan Horma.

Josua 2:11

Ecris wat atahaijeg intas va nitai iji igki aijama, is auatialidi inliinmopoma aijama, is lep eti emda tah natimi vai caua: et Atua ijinies an nohatag, im lep sepamki an nobohtan, a Ihova Atua unyimia.

Josua 2:9

is tas ehele ohwat atimi erahki aien, um ika, Ek ato ainyak mika is alupai caua inpece inigki a Ihova, ecra lep imtitaig caua aijama, et lep auatialidi inliinmopoi atimi asega an pece vai caua.

Josua 5:1

ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.