Josua 7:12 - Intas Etipup

¹² Va nitai inigki is ehka vai nup Isreel natidai vaig an nuhup u ilpu atimi tak atimi ira ra, ja eris aha ara vai ilpu atimi tak atimi ira ra, vai intavaitap unyak vai ra: inki eti lep amen ehelemia ainyak, el eka eti iknipagki ehelemia aijaua niji itai itap.

Josua 7:12 Iomraidhean Croise

Saam 44:10

Napu imiadumoij cama aiek vai ilpu atimi tak atimi irama; era tup ispara atoraliak itai unyima a ilpu atimi amcel vai cama.

Saam 60:10

Aiek marom, ak Atua, as atcijaig cama aiek; aiek, ak Atua, as eti ahced ilpu eucsupo unyima aiek, um uhup ira ra.

Niji tas Arapakau 28:1

ERA aha a ilpu atimi auatatimi, et wat eti ahau ra tah natimi: ja era emda a ilpu atimi upene, um idivaig laion.

Aiseya 59:2

ja et mun atiakoai caua im Atua unyimia niji auatatimi unyimia, et mun lep adenaig nesganimtan vai caua nedo has unyimia, mika yi eti atahaijeg aien.

Jeremaia 23:33

Eru wit ahodaig euc a nup igcaki, ka tah naprofeta, ka tah na-timi ahlap, um ika, Inhe nitai ahelwei u Ihova? namu ika ehele ra aiek, Eka itai ahelwei aijaua; et lep ika a Ihova, Ekpu atcijaig caua ainyak.

Jeremaia 6:8

Akumu aktaktai upene aijaua, ak nup u Jerusalem, vai yi jim esjum vai caua inliinmopok ainyak; vai ki jim ika ainyak yi ahyuahyu i inmaliyum unyimia, yi jim amen tah an pece unyimia.

Hosia 9:12

Ja el era aminjinaig ilpu hal ura ara, ekpu iknipagki ra ainyak, inyi eti amen tah ra: kaiheuc vai ra eku wit udei ra ainyak!

Habakuk 1:13

Et esjilid in weila u nesganimtam, na esjum aiek par alum nedo has; et ehka vai euc par almoi nedo acalacal: na a uri aiek par alum ra sji igki era atoraliak itai ara, um eti tas era wat atgei atmas ilpu atimi upene a ilpu atimi auatatimi?

Numera 14:39

Is asan tas iji igki a Moses ehele nup Isreel asega: eris lep taigtaig alupas natimi.

Numera 14:42

Jim aridjai, et eti amen ehelemia a Ihova; va eri jim auud caua a ilpu atimi tak atimi iramia.

Numera 14:43

Era uhup iramia a nup Amalek im nup u Kenan, akupu lep emesmas aijaua an nedoa: eka atidjimia irai Ihova aijaua, va nitai inigki inyi eti amen a Ihova ehelemia.

Numera 14:45

Eris asuol a nup Amalek im nup u Kenan eris amen ara an lolan nedoon, um auud ra, um ahlo ra, um yetpan Horma.

Tyuteronome 7:26

Um jim imiapan anliin neom unyimia tah nitai has, va uhpu jim auahas caua, inyi tup ethi ache pan iran: akumu esjum vaig aijaua, um amcel vaig; et itai has esjilid nigki.

Josua 6:18

Akumu lep aminjinaig caua aijaua vaig tah nitai itap; va aki jim auahas caua aijaua, aku wit leh tah nitai itap aijaua, um imi-apam nitai has vai nup Isreel im nohocred.

Ilpu Atimi Tas Alep 16:20

Is ika aien, Ak Samson, erupu atgei euc a nup u Filistia. Is aijilahlah va numjeg o un aien, um ika, Ekpu alau ijo ainyak et idivaig irai opan iji ehki, um auhohaig nyak. Ja is eti ato aien mika is atcijaig yin a Ihova.

Ilpu Atimi Tas Alep 2:14

Is edemda alupas vai nup Isreel a Ihova, is atcijai ra aien irai ikmai ilpu atimi atoraliak itai, eris atoraliak itai ura ara, is lep ahtai ra aien irai ikmai ilpu atimi tak atimi ira ra marehed mihtag, va nitai inigki is ehka vai ra par lep aiji an nuhup u ilpu atimi tak atimi ira ra.

Ilpu Atimi Tas Alep 2:4

Is wat asan tas iji igki ehele nup Isreel asega a nagelo o Ihova iyehki, eris ehtigtaig alupas natimi.

1 Samuel 14:38

Is ika a Saal, Akumu ayihio aijaua ilpu atimi alupas asega an pece: um ato, um almoi nedo has uja inpig.