Josua 7:11 - Intas Etipup

¹¹ Eris ago nedo has a nup Isreel, eris lep imipalea intas alep unyak ara kis asaig ehele ra ainyak: eris lucsei itai itap ara, um ehnegitai, um lep ateri, um idim ikni irai aga ura.

Josua 7:11 Iomraidhean Croise

2 Ilpu Atimarid 18:12

va nedo ura, nikavaig, eris eti imiaiji intas o Ihova Atua ura, ja eris imipalea intas etipup o un ara, im intas asega is asaig a Moses naheca u Ihova, um eti atahaijeg, um eti ago.

2 Ilpu Atimarid 5:24

Is yetpan an nathatahau aien, um lucsei itai ehele rau, um ikni anliin neom: is lep abraig pan atimi erahki aien, erus atga urau arau.

Aiseya 24:5

Era mun auahas nitap an pece a ilpu atimi amen iran; vaig inig nikavaig, eris mun atladwi intas alep u Atua ara, um atipagki intas itap o un, um auahas intas etipup inyi eti lep ti o un.

Jeremaia 31:32

inyi eti idivaig intas etipup iyehki kis ati ainyak ehele ilpu retpora an nopan iyehki kis asjiraig nikmara ainyak mika ki iknipagki ra ahes an pece Ijipt; vaig inig nikavaig, et ika a Ihova, eris eti apos intas etipup unyak iyehki ara, kis wat idivaig natamnyura ainyak:

Hosia 6:7

Ja era idivaig natimi iji ig era imipalea intas etipup ara: eris ahcil vai nyak ara an nuarin iyehki.

Levitikus 5:15

El et ahnag tah natimi um ago nedo has, jam eti ato, irai itai iji igki et itap vai Ihova; etmu imiapam ehele Ihova aien siip atamaig yi ethi irai siip o un, et ti nitai has iran, va nedo ahnag o un, inyi tup apapa pan an nimtan inig napu asaig aiek irai sikel silver, et idivaig sikel an neom itap, nitai ahlap va nedo ahnag o un:

Habakuk 2:6

ja erupu idim acesaces nohranitai vai yin ara asega, um lep atni neuhni iran, um ika, Awe, kaiheuc vai yin et asjapicnaig niji itai ui tak atimi! eri ago um yetpan an nahopan? kaiheuc vai yin et ago imi yin niji itai aien et eti fi auanimtan!

Sekaraia 5:4

Et ika a Ihova esjilid acen; Ekpu imiapam intas ahlaijaig inigki ainyak, etpu amiliak pan anliin neom u natimi ehnegitai, im lep anliin neom o un et asig yi aktit intas aien va nidak jam ahcil: etpu amen aktit juju anliin neom o un, um auahas neom o un, im niji uari cai iran, im lep niji hat nan.

Madius 22:21

Eris um ika ehelen ara, Sisar. Is um ika ehele ra aien, Alupai Sisar niji itai o Sisar; jam ahtai imi Atua niji itai o Atua.

Niji auritai o ilpu Apostolo 5:9

Is um ika ehelen a Pitrus, Arus auri aijaurau par ehras aktaktai, um ika, aru efaifa ehele Nesgai Natimarid aijaurau? almoi, era amen an neucse neom ara sji eigki era mun atelmoi natamnyu unyum ara, erupu lep imyiapan euc ara.

Tyuteronome 17:2

El er ato tah natamaig ka tah intakata ehelemia, an tah nuarin pece unyum is alupai euc a Ihova Atua unyum, is ago nedo has aien an nuhup u Ihova Atua unyum, um auahas intas alep o un,

Ilpu Hibru 4:13

et lep eti eteuc tah nitai ineig er adenaig vai yin: ja er elgelgei niji itai asega um ehvaig an nuhup o un, etpu ahilek nedo uja aien.

Josua 23:16

Aku wit imipalea intas alep u Ihova Atua unyimia aijaua, is asaig ehelemia aien, um apan um aheca u ilpu atmas u nup urai pece, um atpuse an nuhup ura; etpu atavaitap vai caua a Ihova, akupu lep auroauro aijaua um emesmas an pece upene inig is alupai caua aien.

Josua 7:1

JA eris ago nedo has a nup Isreel vai itai itap: is lucsei itai itap a Ekar inhal u Karmai, inhal u Sabtai, inhal u Sira mapoi Juta: is edemda a Ihova vai nup Isreel.

Josua 7:10

Is tas a Ihova ehele Josua, um ika, Namu atidai aiek; na a uri aiek par atpuh an nesganimtam?

Ilpu Atimi Tas Alep 2:20

Is alupas nedemda u Ihova vai nup Isreel; is ika aien, Vaig inig nikavaig, era mun atladwi intas etipup unyak natimi iji ig kis tas alep vaig ainyak ehele ilpu retpora, um eti atahaijeg intas unyak;

1 Samuel 14:38

Is ika a Saal, Akumu ayihio aijaua ilpu atimi alupas asega an pece: um ato, um almoi nedo has uja inpig.