Josua 7:1 - Intas Etipup

¹ JA eris ago nedo has a nup Isreel vai itai itap: is lucsei itai itap a Ekar inhal u Karmai, inhal u Sabtai, inhal u Sira mapoi Juta: is edemda a Ihova vai nup Isreel.

Josua 7:1 Iomraidhean Croise

Jenesis 34:27

Eris apan a ilpu hal u Jekob ehele atimi iji ehki eris atgei ra, um atoraliak niji itai an maliyum ura, va nedo iyehki, nikavaig, eris auahas natahig ira ra ara.

2 Samuel 24:1

IS aketo a Ihova um edemda vai nup Isreel, va nitai inig, nikavaig, is oop Tevit a Satana par auahas ra, um ika, Apan aiek, um esvi nup Isreel im nup u Juta.

2 Ilpu Atimarid 5:24

Is yetpan an nathatahau aien, um lucsei itai ehele rau, um ikni anliin neom: is lep abraig pan atimi erahki aien, erus atga urau arau.

1 Iji Tas Eled 21:7

Is has nitai inigki an nuhup u Atua; va nitai inigki is auud nup Isreel aien.

2 Niji Tas Eled 24:18

Eris udei neom u Ihova Atua u ilpu retpora ara, um alaigaheni vai ilpu atmas, im lep vai niji atmasimai: ja is yetpam intavaitap irai up u Juta im nup u Jerusalem va nedo has inigki ura.

Esra 9:6

um ika, Ak Atua unyak, ek ehcamai ainyak um imtitaig neas jipan vaig au nesganimtak ehelum, ak Atua unyak: et ahinag nedo has unyima um ataluopni pam cama, et lep aridjipan an nohatag nedo has unyima.

Nitaasviitai u Job 35:8

Et auahas tah et idivaig euc nauatatimi unyum; et lep itai upene vaig tah inhal u natimi nedo atoh unyum.

Natimi Efehtas 9:18

Et esjilid narapakau irai nij va atimi: ja et auahas niji itai et upene et ahinag a natimi auatatimi et ethi ache.

Taniel 9:7

Ak Natimarid, et amen ehelum nedo atoh, ja et amen ehelema nehcamai, et idivaig an nopan inig; ehele nup u Juta marom, im nup u Jerusalem, im nup Isreel asega, era ubutpotet ara, im lep itac acen, irai iji pece asega as imiapan ra iran aiek, va nedo has ura eris ago vai euc ara.

Levitikus 10:6

Is ika a Moses ehele Eron im lep ehele Eliesar im Idamar ohwat hal o un, Ehtijmu jim iknipagki incat adgaig unyimitaij aijautaij, um jim ahpati napelumai unyimitaij; vai ehtiji jim mas aijautaij, um lep yetpam intavaitap ira atimi asega: ja erumu taigtaig a ilpu etwamia, nup Isreel asega, van cap inigki et mun atni a Ihova.

Jona 1:7

Eris tas jipe ara asega, um ika, Intumu ikni itai asjaaicnaig iraija akaija, par ato natimi inig, et yetpam nohocred inigki iraija va nedo o un. Eris ikni itai asjaaicnaig ira ra ara, is etjo nitai asjaaicnaig imi Jona.

Josua 22:16

Era ika a ilpu atimi asega u Ihova, Nedo has nigki nevitai akis ago vai Atua u nup Isreel aijaua, par atidjimia ira Atua an nopan inig um eti apitac yin, akis actaig natau aijaua mika aki imipalea Ihova aijaua an nopan inig?

Josua 22:18

eka lep atidjimia aijaua irai Ihova an nopan inig, um eti apitac yin? eka imipalea intas o Ihova aijaua an nadiat inigki, ja etu wit lahlah an tak apnyin etpu edemda vai nup Isreel asega aien,

Josua 22:20

Is idim ago nedo has a Ekar inhal u Sira an nitai iyehki is itap, ja is yetpam intavaitap irai up Isreel asega: is idim eti echim mas a nat yehki ache va nedo has o un.