Josua 6:4 - Intas Etipup

⁴ Erumu apos intoho inyi seven a ilpu atimi ahlap inyi seven an nuhup u nelcau: ja akumu eceseven arehed an maliyum aijaua an nadiat sevend, erumu lep ahlai toho a ilpu atimi ahlap.

Josua 6:4 Iomraidhean Croise

Jenesis 2:3

Is acis yi alwai nadiat sevend a Atua, um ika yi itap: is idim atumop iran a Atua va niji auritai asega is atupun aien um ago.

1 Ilpu Atimarid 18:43

Is ika ehele naheca o un aien, Aridjai aiek um eas pok. Is aridjai aien um almoi, um ika, Et ti tah nitai. Is ika aien, Namu eceseven apan aiek.

2 Ilpu Atimarid 5:10

Is abraig pan naheca is ethi ehelen a Elaisa, um ika, Apan aiek um eceseven ereuc an nofowai Jortan, etpu lep upene nohum, napu cehcehe aiek.

2 Ilpu Atimarid 5:14

Is par asuol aien, um eceseven atjim an nofowai Jortan, is idivaig intas o natimi u Atua: is lep upene nohun et idivai nohui inhalav, um lep cehcehe.

2 Niji Tas Eled 13:12

Et lep amen a Atua ehelema par atau irama, im ilpu atimi ahlap o un par ahlai toho, mika aki eucjeucjeucaij vaig aijaua. Ak nup Isreel, jim ago nedoa vai Ihova Atua u ilpu retpomia; akupu eti esjilid irama asjaua.

2 Niji Tas Eled 20:17

Akupu eti ago nedoa inigki aijaua: akumu esyei caua ache aijaua um aiji um almoi nimiatamaig caua u Ihova, ak nup u Juta, im nup u Jerusalem: akumu jim imtitaig aijaua, um jim eucjeucjeucaij; akumu apan ehele ra aijaua imraig: etpu amen ehelemia a Ihova.

2 Niji Tas Eled 20:19

Eris aiji a ilpu mapoi Livai, eris ilpu mapoi Kohad, im ilpu mapoi Kora ara, par imiahpas Ihova Atua u nup Isreel is um emda nohrara.

2 Niji Tas Eled 20:21

Is wat tas jipe aien im natimi, is ikni ilpu atimi acesaces nohraiitai vai Ihova aien, par imiahpas, et idivaig nedo ura an neom itap, an napan vaig ura an nuhup u ilpu eucsupo, um ika, Akumu imiahpas Ihova aijaua; et amen naiheuc o un irai iji mesese.

Nitaasviitai u Job 42:8

Va nitai inigki, ehtijmu lucsei kurimatau atamaig inyi seven aijautaij, im siip atamaig inyi seven vai cautaij, um apan ehele Job naheca unyak, um ahlap an nitai ahlap atnamud vai cautaij; etpu alaigaheni vai cautaij a Job naheca unyak; ekpu idim atahaijeg yin ainyak, vai ki jim aru iramitaij ainyak, et idivaig nedo ahnag unyimitaij; ehtaij mun eti tas upene vai nyak aijautaij, et idivaig Job naheca unyak.

Aiseya 27:13

Im lep inig, an nopan iyehki uhpu ahlai intoho alupas, erupu lep ahtag pam ara eris ilpu ihki atimi ara an pece Asiria, im lep ra eris ilpu ohna ara an pece Ijipt, um atpuse an nuhup u Ihova an nedoon itap Jerusalem.

Levitikus 14:16

etmu ahtaijuli nupsikman inmatan a natimi ahlap an narakei an mauun, um eceseven ohaig narakei an nupsikman an nuhup u Ihova:

Levitikus 4:6

etmu ahtaijuli nupsikman an ja iran a natimi ahlap, um eceseven ohan ja an nuhup u Ihova, u natcai apelumai an nuarin itap.

Sekaraia 4:2

Is um ika aien ehelek, Na almoi inhe aiek? Kis ika ainyak, Ek ecetai inhus irai lamp ainyak er ago asega irai colt, im nuarin et etpen narakei iran ijinies, im lep lamp et seven ijinies iran, im nupul et seven vai lamp et seven et amen ijinies iran;

Sekaraia 4:6

Is tas ehelek aien, um ika, Intas a Ihova ehele Serubabel nigki, nikavaig, Et ika a Ihova esjilid acen; Eri eti ago nauritai inigki vai ilpu eucsupo, ka vai nemda, jai vai Nesgak ache.

Numera 23:1

Is ika a Belam ehele Belak, Namu ago natau inyi seven aiek igcaki vai nyak, um yecrei kurimatau atamaig inyi seven im siip atamaig inyi seven.

Josua 6:13

Eris atga um uhup an nelcau u Ihova a ilpu atimi ahlap is seven, eris apos intoho is seven ara, um ahlai toho iji ehki: eris atga um uhup ira ra a ilpu atimi apos nij va atimi; ja eris apitac an nelcau u Ihova nahaiji atimi, eris atga a ilpu atimi ahlap um ahlai toho.

Josua 6:3

Akumu arehed an maliyum aijaua, ilpu atimi ago nedoa asega, um ecethi arehed iran. Etmu uce nedo unyimia ira adiat inyi siks.

Josua 6:5

Eru wit ahlai opra niji toho ara, aku wit lep atahaijeg nohran toho aijaua, erumu auorehrara emda natimi asega; etpu achadaliekse nathatahau an maliyum, erumu lep atga um aridjipan atoh natimi asega.

Nitai ehvaig 1:20

nikavaig, nitai adenaig vai moijeuv et seven, na mun ecetai aiek an matak, im lep lamp colt et seven. Era ilpu agelo irai ekalasia an nuarin-pece et seven inmoijeuv et seven; et lep ekalasia an nuarin-pece et seven lamp et seven, na mun ecetai aiek.

Nitai ehvaig 1:4

AK nup urai ekalasia an nuarin-pece et seven an pece Esya, ek aiheuc vai caua ainyak Joanes: Etmu amen ehelemia naiheuc im neigpa ineig et ahes ehelen, is upyi eteuc aien, um lep eteuc an naopan ineig, ja etpu lep eteuc aien; im lep ehele Nesgan et seven era amen ara an nuhup u dorona o un;

Nitai ehvaig 10:3

Is ahlaig ijinies aien is idivaig naunyauwaig u laion: is wat ahlaig aien, is ehceseven atceteuc inmunuka, um tas.

Nitai ehvaig 15:1

KIS ecetai nitai asjaaicnaig is ethi is eche ainyak an nohatag, is alupas um esjilid, nikavaig, ilpu agelo is seven is amen ehele ra niji itai ohocred vaig apitac is seven; uhpu idim ago ehni nedemda u Atua irai itai iji eigki.

Nitai ehvaig 15:7

Is apan tah is ethi irai iji itai umumoh is for iji ehki, um alupai ilpu agelo is seven nipjicolt is seven, is ohua iran nedemda u Atua ineig etpu umoh aien irai iji mesese.

Nitai ehvaig 16:1

KIS atahaijeg nohran tah ainyak is ijinies, is ahes an neom ahlap, is ika ehele ilpu agelo is seven iji ehki, Akumu apan aijaua, um atladwi intavaitap ineig u Atua an nobohtan et amen irai ipjiitai et seven.

Nitai ehvaig 5:1

KIS ecetai nitasvitai is ethi ainyak an matan is ateuc aien a dorona, eris aged inliin im lep itac, is amen nitai atapanes is seven iran.

Nitai ehvaig 5:6

Kis lep ecetai ainyak, is idim aiji juju an niblai dorona im niji itai umumoh is for iji eigki im lep ilpu atimi tas alep, Lam is ethi, is idivaig eris atgei yin, is seven nepat o un, um seven nesganimtan; Nesgai Atua et seven ji eigki, er imyiterimterim an nobohtan asega.

Nitai ehvaig 8:2

KIS ecet ilpu agelo is seven iji eigki ainyak, era aiji ara an nuhup u Atua: eris alupai ra intoho is seven.

Nitai ehvaig 8:6

Eris yecrei ra a ilpu agelo is seven iji ehki, eris apos intoho is seven ara, mika eri ahlai.