Josua 5:9 - Intas Etipup

⁹ Is tas a Ihova ehele Josua, um ika, Ek mun atcelcaig pagki ehelemia ainyak nitai er amcel vaig irai up Ijipt, an nadiat inigki. Va nitai inigki eris anvi nidan nuarin iyehki par ika Cilcal (Natcelcaig), um imihum pam an nopan inig.

Josua 5:9 Iomraidhean Croise

Jenesis 34:14

eris ika ehele rau ara, Et itap vai cama par atcijaig natahig irama imi natimi inig er eti aperitome iran; ecrupu ehcamai aijama va nedo inigki:

2 Samuel 19:15

Va nitai inigki is adumoij a natimarid, um yetpan Jortan. Eris yetpan Cilcal a nup u Juta, par apan, mika eri aubilid natimarid, um imialgauwaig natimarid an nofowai Jortan.

Nihemaia 12:29

im lep inpece Cilcal, im niji uari obohtan Ciba im Asmaved: eris idim ago niji maliyum haklin ura a ilpu atimi acesaces nohranitai ubutpotet pan Jerusalem um arehed.

Saam 119:39

Namu atipagki nitai ehcamai unyak ek imtitaig vaig ainyak: et idim upene neruvaig unyum va atimi.

Jeremaia 9:25

Et ika a Ihova, Akumu ato aijaua mika, etpu yetpam nopan iyehki eku wit ehraru irai ilpu atimi aperitome asega ainyak im ilpu ai imi eti aperitome;

Esikiel 23:3

erus ago ingeijid arau an pece Ijipt; erus ago ingeijid arau an takuras atahig urau: erus atupun arau eahki um ahilek nedo has, maiya, erus auarobotpotedo arau eahki.

Esikiel 23:8

Is eti atcijaig nedo has o un is ago an pece Ijipt aien: eris idim ago ingeijid ehelen ara an takuras atahig o un, eris atupun ara eahki um auarobotpotedo, um ecahinag ago nedo has ehelen.

Hosia 4:15

Ak nup Isreel, el eka ago ingeijid aijaua, ja erumu jim ago nedo has a nup u Juta; um jim apam an maliyum Cilcal aijaua, um jim aridjipan an maliyum Bedeven, um jim asaig intas aktit unyimia, um ika, Et umoh a Ihova.

Levitikus 24:14

Uhmu imiapan itac an nuarin amen iran u atimi natimi iyehki is asaig intas itap aien; erumu atijai nikmara an nidjinin ara asega eris atahaijeg yin ara, erumu asji yin irai hat natimi asega era asjapicnaig ara.

Emos 5:5

jam jim ahilek Bedel aijaua, um jim apan Cilcal, um jim yetpan Biersiba: uhpu imiapan nup u Cilcal an taka pece, erupu takitai a nup u Bedel.

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Sefanaia 2:8

Ek mun atahaijeg intas auyat u nup u Moab ainyak, im lep intas has u ilpu mapoi Amon, era mun asan tas auyat vai ilpu atimi unyak ara, um asan tas ijinies va atimi iji ig era amen ubutpotet an nahaijin pece ura.

Josua 24:14

Va nitai inigki akumu imtitai Ihova aijaua, um aheca o un an liinmopomia inveijec um upene: um atcijaig ilpu atmas iji ehki eris aheca ura a ilpu retpomia an nahaijin nofowai igcapan, im lep an pece Ijipt; um aheca u Ihova.

Josua 4:19

Eris ahes Jortan natimi, an nadiat tend an mohoc uhup, um atumop Cilcal, an nahaijin Jeriko an ridjai o un.

Josua 5:8

Eris aperitome ehni ira atimi asega, ja eris amen ara irai iji uarin amen ura, um imihum pan an nopan iyehki eris cehcehe ara.

1 Samuel 14:6

Is ika a Jonadan ehele intakuras iyehki is apos nij va atimi o un, Tu apan akaijau, um algauwaig, um yetpan au pak an nedoa u atimi eti aperitome iji igki: kit etpu ago nauritai vai caijau a Ihova: et eti ehka vai Ihova par imiatamaig caija va atimi et ahinag, ka atimi et eti elpat.

1 Samuel 17:26

Is tas a Tevit ehele atimi iji ig eris aiji ehelen ara, um ika, Eri ago inhe vai natimi inig etpu atgei nup u Filistia inigki aien, um atipagki nitai ehcamai vaig irai up Isreel? Et idivai di a nup u Filistia inig eris eti aperitome iran, mika yi imilaav niji pak an nedoa u Atua umoh?

1 Samuel 17:36

Is atgei laion im lep beer a naheca unyum inigki: etpu idivaig tah rau a nup Filistia inig eris eti aperitome iran, va nedo o un, nikavaig, et mun tas ijinies aien ehele pak an nedoa u Atua umoh.

1 Samuel 7:16

Is arehed mihtag aien irai iji mesese, um apan Bedel, im Cilcal, im Mispi, um tas alep ehele nup Isreel irai uarin iji igki asega.