Josua 5:6 - Intas Etipup

⁶ Eris atga an namasacen irai mesese is forte a nup Isreel, um imihum pan an nopan iyehki eris emesmas a ilpu atimi ago nedoa asega eris ahes Ijipt ara, va nedo ura, nikavaig, eris eti imiaiji intas o Ihova ara: is asaig intas aktit ehele ra aien mika eri eti ecetai inpece iyehki ara, is upyi asaig ehele ilpu retpora a Ihova mika, etpu alupai ra aien inpece et alupas nidenided im hune iran.

Josua 5:6 Iomraidhean Croise

Saam 107:4

Eris ahnag ara an namasacen is ti nefalaig iran; eris eti ecetai tah inmaliyum ara par amen iran.

Eksotus 3:17

kis ika ainyak, Ekpu iknipagki caua ainyak an pece Ijipt va nohocred unyimia, um imiapan caua an pece u nup u Kenan, im nup u Hed, im nup Emor, im nup u Piris, im nup u Haivai, im nup u Jibus, inpece et amen alupas nidenided im hune iran.

Eksotus 3:8

ek mun asuol pam ainyak par imiatamai ra va nikmai nup Ijipt, um iknipagki ra an pece inaico, um ikni ra an pece upene um alupas, inpece et amen alupas nidenided im hune iran; an pece u nup u Kenan, im nup u Hed, im nup Emor, im nup u Piris, im nup u Haivai, im nup u Jibus.

Jeremaia 2:2

Namu apan aiek um tas ijinies ehele Jerusalem, um ika. Ak intakata, et ika a Ihova. Ek mun imiehva euc ainyak im lep naiheuc unyak vai euc an natahig unyum, im naiyu u inliinmopok vai euc, kis wat aniv euc vai nyak ainyak, as wat ahced nyak aiek an namasacen, an pece iyehki eris eti ahapol iran.

Esikiel 20:15

Ja kis lep asig yi aktit intas ehele ra ainyak an namasacen, um ika ekpu eti imiapam ra ainyak an pece inig kis alupai ra ainyak, is alupas nidenided im hune iran, is esjilid irai iji pece asega;

Esikiel 20:6

an nopan iyehki marom kis wat asig yi aktit intas ehele ra ainyak, mika ki iknipagki ra an pece Ijipt ainyak, um imiapam ra an pece inig kis ahilek vai ra ainyak, is alupas nidenided im hune iran, is esjilid irai iji pece asega:

Joel 3:18

Im lep inig, an nadiat iyehki etpu ahtahtise nide vaine irai iji edoon, etpu yah nidenided irai edoon tintin, etpu yah inwai irai auiwai asega an pece Juta, etpu eteuc nimtanwai anliin neom o Ihova, um yah pan par ofowai an niskanse Sitim.

Numera 14:23

va nedo inigki erupu idim eti ecetai inpece inig ara kis tas aktit vaig ainyak ehele ilpu retpora, inyi idim eti ecetai tah ra eris imiedohalav nyak ara:

Numera 26:63

Erus esvi ra sji igki a Moses im Eliesar natimi ahlap, erus esvi nup Isreel arau irai iji uarin marara u Jortan ubutpotet pan Jeriko.

Tyuteronome 1:3

Is wat yetpam nadiat uhup an mohoc elevend an mesese fortied, is tas a Moses ehele nup Isreel, um asuptecnaig ehele ra intas asega is asaig ehelen a Ihova;

Tyuteronome 2:14

Intis ahes Ketes-barnea akaija um atga irai mesese is dirte eet, ja par algaunyi inwai yah Siret; um imihum pan an nopan iyehki eris emesmas a ilpu eucsupo asega ira atimi, is idivaig is asaig ehele ra a Ihova.

Tyuteronome 2:7

Is acis yi alwai caua a Ihova Atua unyimia irai iji auritai asega unyimia: et ato natga unyimia aien an namasacen alupas inigki: is amen ehelemia a Ihova Atua unyimia irai mesese is forte iji ehki; akis eti ihki atimi aijaua an tah nitai.

Tyuteronome 8:4

Is eti mohtan napelumai unyimia akis aso caua iran aijaua, is lep eti atop neduomia irai mesese is forte iji ehki.

Ilpu Hibru 3:11

va nitai ineigki kis asig yi aktit intas ainyak anj nedemda unyak, um ika, Eri eti apan ara an nuarin atumop unyak.”

Josua 1:6

Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.

Josua 24:7

Eris wat ahlaig vai Ihova ara, is ati inmehcim aien an niblamia im nup Ijipt, um imiapam injap ira ra um adahpoi ra; akis almoi nedo unyak Ijipt aijaua: akis lep amen an namasacen aijaua is itu iramia.

Josua 5:5

Eris idim aperitome ira atimi asega eris ahes eahki ara: ja eris eti aperitome ira atimi iji ig eris apos ra an namasacen an nefalaig inig et ahes Ijipt iran.

Josua 5:7

Ja is aperitome irai ilpu hal ura a Josua, is imiatidai ra a Ihova par isjeupigmoig ra: eris ilpu atimi eti aperitome, eris eti aperitome ira ra an nefalaig.