Josua 5:1 - Intas Etipup

¹ ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.

Josua 5:1 Iomraidhean Croise

Jenesis 12:6

Is apaahni an pece a Ebram um yetpan Saikem, an nuarin marara Mori. Eris amen an pece a nup u Kenan an nopan iyehki.

Jenesis 48:22

Im lep inig, ek mun atcijaig imi euc ainyak nuarin nobohtan et ethi et esjilid iran iyehki u ilpu etwam, kis atipagki ehele nup Emor ainyak irai ij va atimi unyak.

2 Samuel 21:2

Is ahlaig vai nup u Cibeon a natimarid, um tas ehele ra; (eris eti ilpu mapoi Isreel a nup u Cibeon, ja eris ahaiji ilpu mapoi Emor ara; eris asig yi aktit intas a nup Isreel ehele ra par imiatamai ra: ja is imiisjis a Saal mika yi atgei ra, an nedo emda o un vai nup Isreel im nup u Juta.)

1 Ilpu Atimarid 10:5

im nitai caig u nitai hag o un, im nateucvaig u ilpu aheca o un, im naijivaig u ilpu atimi alupas o un, im napelumai ura, im ilpu atimi aminjinaig nide vaine o un, im nitai ahlap atnamud o un, is ahlap iran aien an neom u Ihova; is ti nesgan.

Esra 9:1

ERIS ago ehni nitai iji igki, ja eris par ham ehelek a ilpu atimi alupas, um ika, Era eti eche a nup Isreel, im ilpu atimi ahlap, im ilpu mapoi Livai, im nup urai pece, jam ago et idivaig nedo has ura, nikavaig, nup u Kenan, im nup u Hed, im nup u Piris, im nup u Jibus, im nup u Amon, im nup u Moab, im nup Ijipt, im nup Emor.

Saam 135:11

Is auud Saihon natimarid u nup Emor aien, im Oc natimarid an pece Besan, im nup urai iji elcau asega Kenan:

Eksotus 23:28

Ekpu abrai niji umehe ainyak mika eri uhup iram ara, um ahlo nup u Haivai, im nup u Kenan, im nup u Hed, an nuhup unyum.

Aiseya 41:5

Eris mun alum yin a nup u unjap, um imtitaig; eris eucjeucjeucaij a nup urai pece itac acen, era mun ahes irai pece ura ara, um adpam.

Esikiel 16:3

um ika, Et ika a Natimarid Ihova ehele Jerusalem; As ahes irai up u Kenan aiek, eris apos euc an pece ura; is mapoi Emor a etpom, is mapoi Hed a risum.

Esikiel 21:7

Eru wit ika ehelum ara, Na a uri aiek par adijai euc? namu ika aiek, Vai intas; vaig inig nikavaig, etpu ham: etpu auatialidi inliinmopoi atimi asega, etpu eucjeucjeucaij nikma atimi asega, etpu arici nohu atimi asega, etpu idivaig inwai nijin neduei atimi asega: et ika a Natimarid Ihova, Etpu idim yetpam, maiya, etpu idim eteuc.

Taniel 5:6

Is eche nesganimtai natimarid, is lep ohocred inliiumopon aien, is auatialidi nehtag vai yin, is lep ahtet jipe nijin neduon ehro.

Emos 2:9

Ja kis auahas nup Emor an nuhup ura ainyak, eris ijinies ara um idivaig nijinies u iji ucje asega, eris lep emda ara um idivaig nemda u iji yat asega; kis um auahas nohwan ijinies ainyak, im lep neucvan sepamki.

Numera 13:29

Era amen a nup Amalek an pece inig et ahes nuritoga iran: era lep amen a nup u Hed, im nup u Jibus, im nup Emor irai lola edoon: era lep amen a nup u Kenan ubutpotet pan u injap, im lep an nahaijin Jortan.

Josua 17:12

Ja is ehka vai ilpu mapoi Manasi nahlo vaig nup urai maliyum iji igki; eris imiisjis a nup u Kenan par amen an pece iyehki.

Josua 17:18

akumu lep ohuun inlolan nedoon aijaua; et idim nesei, ja akumu acaldei aijaua: akumu ohuun niji uari pece iran aijaua: et eteuc niji jariot aiurn ura, era lep emda ara, ja er uauo, akupu ahlo nup u Kenan aijaua.

Josua 24:15

Ja eh et eti upene iramia par aheca u Ihova, akumu asaig aijaua aji nadiat inigki mika aki aheca u di aijaua: kit ilpu atmas iji ehki eris aheca ura a ilpu retpomia an nahaijin nofowai igcapan, ka ilpu atmas u nup Emor eka amen an pece ura aijaua: ja ekpu idim aheca u Atua ainyak im lep ra an nimnim unyak.

Josua 3:16

is amen inwai is ahes itaho, um ahga, um ahlaujai ijinies, is itac acen pan u inmaliyum Atam, ubutpotet pan Saretan: is lep ame um tiih inwai um yetse pok an jap an nuarin marara, injap acen marom: eris wat algaunyi natimi um yiaspan Jeriko.

Josua 3:17

Eris aiji aktit an nobohtan mese juju irai Jortan a ilpu atimi ahlap, eris apos nelcau ara is amen iran intas alep u Ihova, eris lep atga an nobohtan mese a nup Isreel asega, um imihum pan an nopan iyehki eris algaunyi Jortan natimi asega.

Nitai ehvaig 18:10

erupu aiji itac acen ara va nimtita nohocred o un ura, um ika, Auwe, kaiheuc vai inuarin-pece alupas inaico Babelon, inuarin-pece emda! et mun yetpam neruvaig iram an nuarin-nadiat et ethi ache.

Ilpu Atimi Tas Alep 1:1

IS wat ti pan itac inmas u Josua, era ahodai Ihova a nup Isreel, um ika, Erupu uhup a di um aridjai, um ati nedoa vai cama, um aat irai up u Kenan?

Ilpu Atimi Tas Alep 11:23

Is idim ahlo pan nup Emor an pece iyehki a Ihova Atua u nup Isreel vai ilpu atimi o un nup Isreel, et idim eti upene mika au ohuun aiek.

Ilpu Atimi Tas Alep 3:3

nikavaig, ilpu atimarid is faiv u nup u Filistia, im nup u Kenan asega, nup u Saiton marom, im nup u Haivai eris amen nedoon Lebanon ara, ahes Beal-hermon um yetpan an nahaijin Hemad.

Ilpu Atimi Tas Alep 4:2

Is atcijai ra a Ihova an nikmai Jebin natimarid u nup u Kenan, is atimarid aien an maliyum Hesor; is atimi alupas u ilpu eucsupo o un a Sisera, is amen aien Harosed-coem.

1 Samuel 25:37

Ja is wat lahlah an tak apnyin, is wat ti waina ehele Nebal, is eteuc lelen: is wat asuptecnaig ehelen nitai iji igki a ehgan, is mas inliinmopon, is um idivaig inhat aien.