Josua 4:13 - Intas Etipup

¹³ eris algaunyi pan an nuarin marara Jeriko natimi is forte dausant, an nuhup u Ihova, um apos nij va atimi par ago nedoa.

Josua 4:13 Iomraidhean Croise

2 Ilpu Atimarid 25:5

Ja eris ahau natimarid a ilpu eucsupo u nup u Kaltia, um uhum pan yin an nuarin marara Jeriko: eris udei yin a ilpu eucsupo asega o un um terimterim sjipe.

Eksotus 13:18

is imiatcapijid atimi a Atua, an nefalaig an namasacen u Injap cop: eris ahes an pece Ijipt a nup Isreel, um atga ura is idivaig ilpu eucsupo.

Jeremaia 39:5

Ja eris ahau pan ra a ilpu eucsupo u nup u Kaltia, um uhum Setekaia irai uarin marara Jeriko: eris wat arop iran ara, eris imiapan yin ara ehele Nebukatnesar natimarid an pece Babelon, is amen Ribla aien an pece Hemad, is asaig neruvaig vai yin eahki aien.

Jeremaia 52:8

Ja eris apitac natimarid a ilpu eucsupo u nup u Kaltia, um uhum pan Setekaia irai uarin marara Jeriko; ja eris terimterim a ilpu eucsupo asega o un eris um udei yin ara um eti amen ehelen.

Numera 32:17

ja ecrupu yecrei cama aijama va nedoa, um atga, um uhup urai nup Isreel, um imihum pan an nopan iyehki, ecrupu imiapan ra aijama an nuarin amen ura: erupu lep amen a ilpu hal unyima irai iji maliyum et amen narin va nup uran pece.

Nupu Efesus 6:11

Akumu aso caua aijaua an napelumai asega u Atua uri edoa, va akupu emda aijaua par atapanes nedo efaifa u Tiapolo cai caua.

Tyuteronome 3:18

Kis tas ehelemia ainyak an nopan iyehki, um ika, Et mun alupai caua inpece inigki a Ihova Atua unyimia mika aki ohuun aijaua: akumu apan iran aijaua asega, ak ilpu atimi emda, an nuhup u ilpu etwamia nup Isreel, um apos nij va atimi.

Josua 4:12

Eris atga um uhup irai up Isreel um apos nij va atimi, a ilpu mapoi Ruben, im ilpu mapoi Cat, im nahaiji ilpu mapoi Manasi, et idivaig is asaig ehele ra a Moses:

Josua 4:14

Is ati natimi alupas irai Josua a Ihova an nadiat iyehki an nuhup u nup Isreel asega; eris imtitai yin ara, is idivaig eris imtitai Moses ara, irai iji adiat asega is umoh aien.

Josua 5:10

Eris atumop Cilcal a nup Isreel, um aminjinaig nahtaregdei atimi an jupura an nadiat fortiind an mohoc iyehki irai uari marara Jeriko.

Ilpu Atimi Tas Alep 20:1

ERIS apan a nup Isreel asega et idivaig natimi et ethi, ahes an maliyum Tan um yetpan an maliyum Bier-siba, im lep nup uran pece Cileat, um asjapicnaig an nuhup u Ihova an maliyum Mispi.