Josua 4:12 - Intas Etipup

¹² Eris atga um uhup irai up Isreel um apos nij va atimi, a ilpu mapoi Ruben, im ilpu mapoi Cat, im nahaiji ilpu mapoi Manasi, et idivaig is asaig ehele ra a Moses:

Josua 4:12 Iomraidhean Croise

Eksotus 13:18

is imiatcapijid atimi a Atua, an nefalaig an namasacen u Injap cop: eris ahes an pece Ijipt a nup Isreel, um atga ura is idivaig ilpu eucsupo.

Numera 1:24

Eris esvi ilpu mapoi Cat, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

Numera 32:17

ja ecrupu yecrei cama aijama va nedoa, um atga, um uhup urai nup Isreel, um imihum pan an nopan iyehki, ecrupu imiapan ra aijama an nuarin amen ura: erupu lep amen a ilpu hal unyima irai iji maliyum et amen narin va nup uran pece.

Tyuteronome 3:18

Kis tas ehelemia ainyak an nopan iyehki, um ika, Et mun alupai caua inpece inigki a Ihova Atua unyimia mika aki ohuun aijaua: akumu apan iran aijaua asega, ak ilpu atimi emda, an nuhup u ilpu etwamia nup Isreel, um apos nij va atimi.

Tyuteronome 33:21

Era ika ara eri uhup um alupai ra nuarin esjilid, eris ati aktit nuarin inig eris asaig vaig: ja erupu uhup ara um atau ilpu atimi alupas u atimi, erupu ago nauritai atoh u Ihova ara, im neruvaig o un vai nup Isreel.

Josua 1:14

Erumu amen a ilpu ehgamia, im ilpu hal unyimia, im niji itai eklim edo irai pece unyimia, an pece inig is alupai caua a Moses an nahaijin Jortan inigki; ja akumu atga uhup irai ilpu etwamia aijaua, um apos nij va atimi, ilpu atimi esjilid asega, im ilpu atimi emda, um atau imi ra;

Josua 4:11

Eris algaunyi ehni natimi asega, ja eris par algaunyi a ilpu atimi ahlap, um apos nelcau u Ihova, an nuhup u atimi asega.

Josua 4:13

eris algaunyi pan an nuarin marara Jeriko natimi is forte dausant, an nuhup u Ihova, um apos nij va atimi par ago nedoa.