Josua 3:7 - Intas Etipup

⁷ Is tas a Ihova ehele Josua, um ika, Ekpu atupun ainyak an nadiat inigki, um atijai natimi alupas unyum an nuhup u nup Isreel asega, mika eri ato ara mika ek amen ehelum ainyak, et idivaig kis amen ehele. Moses ainyak.

Josua 3:7 Iomraidhean Croise

1 Iji Tas Eled 29:25

Is imiaridjai alupas Solomon a Ihova an nuhup u nup Isreel asega, um alupai yin natimi alupas is esjilid iran iyehki u ilpu atimarid asega eris uhup iran Isreel.

2 Niji Tas Eled 1:1

IS amen aktit an nelcau o un a Solomon inhal u Tevit, is lep amen ehelen a Ihova Atua o un, um imiaridjai alupas yin.

Nitaasviitai u Job 7:17

Nitai uri natimi, mika na imiaridjai yin aiek? um lep aktaktai alupas vai yiu?

Saam 18:35

Na mun aibuthan nyak aiek, um imiatamaig nyak: napu asjiraig aktit nyak aiek an matam; ekpu esjilid ainyak va nedo aiheuc unyum.

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Nupu Filipai 1:20

et idivaig inmerit emda unyak im aktaktai unyak, mika ki ti ehcamai ainyak vaig tah nitai, jam tas emda an naopan ineig, et idivaig irai iji adiat, um imyiahpas Kristo an nohuk, kit an numoh unyak, ka an mas unyak.

Josua 1:17

Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.

Josua 1:5

Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.

Josua 1:9

Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.

Josua 3:6

Is tas ehele ilpu atimi ahlap a Josua, um ika, Akumu apos nelcau et amen intas alep iran aijaua, um algaunyi, um atga uhup ira atimi. Eris leh nelcau is amen intas alep iran ara, um atga um uhup ira atimi.

Josua 3:8

Namu tas ehele ilpu atimi ahlap aiek era apos nelcau ara et amen intas alep iran, um ika, Aku wit yetpan an nohmun wai Jortan aijaua, akumu aiji i Jortan aijaua.

Josua 4:14

Is ati natimi alupas irai Josua a Ihova an nadiat iyehki an nuhup u nup Isreel asega; eris imtitai yin ara, is idivaig eris imtitai Moses ara, irai iji adiat asega is umoh aien.