Josua 3:6 - Intas Etipup

⁶ Is tas ehele ilpu atimi ahlap a Josua, um ika, Akumu apos nelcau et amen intas alep iran aijaua, um algaunyi, um atga uhup ira atimi. Eris leh nelcau is amen intas alep iran ara, um atga um uhup ira atimi.

Josua 3:6 Iomraidhean Croise

1 Ilpu Atimarid 8:3

Eris ham a ilpu atimi alupas asega irai up Isreel, eris lep apos nelcau iyehki a ilpu atimi ahlap.

2 Niji Tas Eled 5:4

Eris ham a ilpu atimi alupas asega irai up Isreel; eris lep apos nelcau a ilpu mapoi Livai.

Maika 2:13

Et mun aridjipan an nuhup ura a natimi alcapdicrai itai: era mun alcapdicrai itai ara, um atga an neucse nathatahau, um lep apan itac iran: et atga a Natimarid ura an nuhup ura, et uhup ira ra a Ihova.

Numera 10:33

Eris ahes an nedoon u Ihova ara, um atga ira adiat is eseij: is lep uhup ira ra ira adiat is eseij nelcau is amen intas alep u Ihova nan, par ahilek nuarin atumop iran imi ra.

Numera 14:15

Ja el et atgei natimi iji igki asega aiek et idivaig natimi et tup ethi ache, erupu tastas a nup urai iji pece eris atahaijeg intas vai euc ara, um ika,

Ilpu Hibru 6:20

is uhup a Iesu um apan an nuarin ineig vai caija, eris ati yin natimi esjilid an nahlap irai iji mesese et idivaig nati Melkisetek.

Josua 3:3

eris tas ehele atimi ara, um ika, Aku wit almoi ilpu atimi ahlap aijaua, ilpu mapoi Livai, napos vaig nelcau et amen iran intas alep u Ihova Atua unyimia, akumu apan an taka uarin aijaua, um apitac iran.

Josua 3:5

Is tas a Josua ehele atimi, um ika, Akumu imiyecrei caua aijaua: etpu ago niji itai imiali a Ihova an nuhup unyimia imraig.

Josua 3:7

Is tas a Ihova ehele Josua, um ika, Ekpu atupun ainyak an nadiat inigki, um atijai natimi alupas unyum an nuhup u nup Isreel asega, mika eri ato ara mika ek amen ehelum ainyak, et idivaig kis amen ehele. Moses ainyak.

Josua 6:6

Is ahlaig vai ilpu atimi ahlap a Josua inhal u Nun, um ika ehele ra, Akumu apos nelcau aijaua et amen intas alep iran, erumu lep apos intoho et seven a ilpu atimi ahlap et seven, um uhup an nelcau u Ihova.