Josua 3:5 - Intas Etipup

⁵ Is tas a Josua ehele atimi, um ika, Akumu imiyecrei caua aijaua: etpu ago niji itai imiali a Ihova an nuhup unyimia imraig.

Josua 3:5 Iomraidhean Croise

Nitaasviitai u Job 1:5

Is wat ti pan itac nadiat iji ehki eris hag ara, is abrai hal a Job mika eri apan ehele ra, um ika eri apan ehelen ara; is ago upene ra aien; is atidai aien an nuhihialeg, um ahlap irai iji itai ahlap atnamud, is apapa pan ira ra asega; is idim ika a Job, Kit era mun ago nedo has a ilpu halav atamaig unyak, um anvaijai Atua an liinmopora. Is ago nedo inigki a Job irai iji opan asega.

Saam 77:15

Na mun imiatamaig ilpu atimi unyum aiek au nikmam, ilpu mapoi Jekob im lep ilpu mapoi Josef. Sila.

Saam 86:10

Nai idim esjilid aiek, um ago niji auritai imiali: na Atua aiek ache.

Joel 2:16

akumu asjapicnaig atimi aijaua, um ago itap atimi eri asjapicnaig ara, asjapicnaig ilpu fatimi, asjapicnaig ilpu halav, im lep ra era ided ara: etmu ahes an nuarin neom o un a natimi tup paam leh ehgan, um lep ahes an nilpun neom o un a intakata tup paam amen ehele natamnyu un.

Levitikus 10:3

Is ika a Moses ehele Eron, Is asaig intas inigki a Ihova, um ika, Erumu ago nedo ecen vai nyak ara asega era apam ubutpotet ehelek ara, uhmu lep imiahpas nyak an nuhup u atimi asega. Is eti tas a Eron.

Levitikus 20:7

Akumu ago upene caua aijaua, mika aki upene: ek idim Atua unyimia ainyak Ihova.

Numera 11:8

Eris apan natimi, um asjapicnaig, um irara irai mil, ka etcei anliin nelcau, um ahen irai ipjiitai, um ago areto apalapal: eris wat atimtim is idivaig narakei mat natimtim iran.

Joanes 17:19

Ek ati nyak ainyak vai ra mika uhpu lep ikni ra an tas inivaijec.

Josua 3:13

Eru wit atise nugnya eduora an wai Jortan a ilpu atimi ahlap era apos nelcau u Ihova ara, Natimarid an nobohtan asega, uhpu athasgi inwai Jortan an nahaijin itaho; etpu lep ahga, um ehlaujai ijinies.

Josua 3:15

ja eris wat yetpan Jortan ara sji ehki eris apos nelcau ara, eris wat atise neduora an wai a ilpu atimi ahlap eris apos nelcau ara; (et idim ahgarero Jortan um atah au nahaijin im lep nahaijin an nopan er asjapicnaig nohwai itai iran asega,)

Josua 3:4

Ja uhmu apohod jipe an niblamia im lep iran, et idivaig kubit et tu dausant eh wat asjaaicnaig: jim apan ubutpotet o un, mika aki ato aijaua nefalaig inig aki atga iran aijaua: akis eti upyi atga an nefalaig inigki aijaua.

Josua 3:6

Is tas ehele ilpu atimi ahlap a Josua, um ika, Akumu apos nelcau et amen intas alep iran aijaua, um algaunyi, um atga uhup ira atimi. Eris leh nelcau is amen intas alep iran ara, um atga um uhup ira atimi.

Josua 7:13

Namu atidai aiek, um yecrei atimi, um ika, Akumu yecrei caua aijaua vaig imraig: et ika a Ihova Atua u nup Isreel, Et amen ehelemia niji itai itap, ak nup Isreel: inyi ehka vai caua natidai vaig an nuhup u ilpu atimi tak atimi iramia, um imihum pan an nopan iyehki akupu iknipagki niji itai itap ehelemia aijaua.

1 Samuel 16:5

Is ika aien, Nigpa marom nigki: ek ham ainyak mika ki ahlap vai Ihova: ago adicinadicin caua aijaua, um ahced nyak u nitai ahlap. Is ago adicinadicin Jese im ilpu halav atamaig o un aien, um imiacaij ra u nitai ahlap.