Josua 3:16 - Intas Etipup

¹⁶ is amen inwai is ahes itaho, um ahga, um ahlaujai ijinies, is itac acen pan u inmaliyum Atam, ubutpotet pan Saretan: is lep ame um tiih inwai um yetse pok an jap an nuarin marara, injap acen marom: eris wat algaunyi natimi um yiaspan Jeriko.

Josua 3:16 Iomraidhean Croise

Jenesis 14:3

Eris asjapicnaig ara sji igki asega an nuarin marara Sitim, injap acen nigki.

1 Ilpu Atimarid 4:12

im Beana inhal u Ahailud irai iji uari pece Teanak im Mecitto, im Bed-sian asega, ubutpotet pan Sartana an nahaijin Jesriil sepagko, um ahes Bed-sian um yetpan Ebel-mihola, um uhum pan nahaijin Jokniam itac:

1 Ilpu Atimarid 7:46

Is atho um ago a natimarid an nuarin marara Jortan, an nobohtan apol an niblai Sukkod im Sardan.

Saam 114:3

Is ecetai nemda o un injap um aha: is lep adumoij um ame nofowai Jortan.

Saam 114:5

Na a uri aiek, ak injap, par aha? im nofowai Jortan, par adumoij um ame?

Saam 29:10

Is wat ahgarero nobohtan an nopan iyehki, is ateuc a Ihova ijinies an wai; et idim ateuc a Ihova um Atimarid irai iji mesese.

Saam 33:7

Et asjapicnaig injap aien, et idivaig nobohtan er assijai; et lep ati intupahuahau aien irai uarin ikni itai iran,

Saam 66:6

Is ika aien yi ame injap: eris atga algaunyi nofowai ara; intis imiacitak eahki akaija vai yin.

Saam 74:15

As atiakoai nimtanwai aiek im nofowai: as ika aiek yi ame niji ofowai alupas.

Saam 77:19

Is eteuc nefalaig unyum an jap im nuarin atga unyum irai wai alupas, eris lep eti ecetai nugnyan neduom.

Saam 78:13

Is atiakoai injap aien, um imiatga ra juju an niblan jap; is ika aien yi aridjai injap et idivaig nedoon ijinies.

Eksotus 14:21

Is atgeig yi apidi nikman a Moses ijinies an jap; is imiadumoij injap a Ihova an natoga alupas an nepig asega iyehki, is um mas injap, eris atiakoai injap.

Eksotus 14:22

Eris atga an niblan jap a nup Isreel an nobohtan mese: is atcai injap an matara im lep an mauura.

Eksotus 14:29

Ja eris atga an nobohtan mese a nup Isreel an niblan jap; is atcai injap an matara im lep an mauura.

Eksotus 15:8

Et mun asjapicnaig injap va nohran gidjum: et mun amen ijinies injap et idivaig nedoon, et mun lep ipjin niji uarin ubo anliin jap.

Aiseya 50:2

Is eteuc nedo inigki vanhe, kis wat ham ainyak, is eti eteuc tah natimi? kis wat ahlaig ainyak, is eti ho tah? et idim eti ipjidipjid nikmak, um auatialidi par imiatamaig caua; ek idim emda ainyak par imiaras caua; akumu ato aijaua mika, eku wit acaiji injap ainyak etpu ame, ekpu ika ainyak yi lep amasacen niji ofowai: etpu emesmas numu iran va intivaig inwai, um epiv vai inmese iran.

Esikiel 47:8

Is lep ika ehelek aien, Et yah pan inwai inigki an pece an ridjai o un, um apok an namasacen, um yetpan an jap: etu wit yetpan an jap, etpu aiyu injap mas iyehki.

Nehum 1:4

Et acaiji injap aien, um ika yi ame, et lep ika aien yi ame niji ofowai asega; et imlai nedoon Besan, im Karmel, et lep imlai intisiai cai Lebanon.

Habakuk 3:8

Ak Ihova, as ehniv aiek vai niji wai, ka oʼo? as atavaitap aiek vai niji ofowai, ka oʼo? as edemda aiek vai injap, ka oʼo, as wat ateuc aiek irai hors unyum im niji jariot unyum par imiatamaig atimi unyum?

Numera 34:3

etpu atupun nilpun pece an nuarin inig et ahes nuritoga iran an namasacen Sin, an nahaijin pece Itom; etpu lep yetpan nilpun pece unyimia an nuarin inig et ahes nuritoga iran, u nahaijin jap acen igcapan an nahaijin an ridjai o un:

Tyuteronome 1:1

IS asaig intas iji igki asega a Moses imi nup Isreel, an nahaijin Jortan igcapam, an namasacen, an nuarin marara ubutpotet pan Suf, an niblai uari pece Peran, im Tofel, im Leban, im Haserod, im Tisahab.

Tyuteronome 3:17

im lep nuarin marara, im Jortan, im inpece ubutpotet pan o un, et ahes Kinered um yetpan an jap an nuarin marara, injap acen marom, ubutpotet pan Astod-pisca an ridjai o un.

Josua 12:3

im nuarin marara et ahes u injap Kinered an ridjai o un, um yetpan an jap an nuarin marara, injap acen marom an ridjai o un, an nefalaig et yetpan Bed-jesimod; im lep an nuarin inig et ahes nuritoga iran, ithan Astod-pisca:

Josua 15:2

Et lep ahes nahaijin pece ura an nohmunjap u injap acen, an nafaiava inig et ahes nuritoga iran:

Josua 16:7

et lep ahes Janoha um asuol pan Atarod, um yetpan Nearad, um yetpan Jeriko, um yetpan Jortan.

Josua 3:13

Eru wit atise nugnya eduora an wai Jortan a ilpu atimi ahlap era apos nelcau u Ihova ara, Natimarid an nobohtan asega, uhpu athasgi inwai Jortan an nahaijin itaho; etpu lep ahga, um ehlaujai ijinies.

Josua 4:22

Akumu asuptecnaig ehele ilpu hal unyimia aijaua, um ika, Eris algaunyi Jortan inigki a nup Isreel an nobohtan mese.

Josua 5:1

ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.

Ilpu Atimi Tas Alep 7:22

Eris ahlai toho ura natimi is dri huntret, is ika a Ihova eri auud jipe ra a ilpu eucsupo an pak an nedoa asega: eris lep ahapan inpak an nedoa um yetpan Bedsitta an pece Sererad, um yetpan an nehni Ebel-mihola, um lep yetpan Tabad.