Josua 3:10 - Intas Etipup

¹⁰ Is tas a Josua, um ika, Akupu ato aijaua mika, et amen ehelemia a Atua umoh, etpu lep ahlo nup u Kenan an nuhup unyimia aien, im nup u Hed, im nup u Haivai, im nup u Piris, im nup u Circas, im nup Emor, im nup u Jibus.

Josua 3:10 Iomraidhean Croise

Jenesis 15:21

im nup Emor, im nup u Kenan, im nup u Circas, im nup u Jibus.

1 Ilpu Atimarid 22:28

Is ika a Maikeya, El et lep adumoij aiek an nigpa, et mun eti tas irak a Ihova. Is lep ika aien, Atahaijeg intas unyak, ak natimi asega.

2 Ilpu Atimarid 19:4

Kit etpu atahaijeg intas asega u Rabsake a Ihova Atua unyum, is abraig pam yin a natimi alupas o un natimarid u nup Asiria par asan tas has vai Atua umoh; um ated yin vai intas et mun atahaijeg a Ihova Atua unyum: va nitai inigki namu ago nalaigaheni aiek va ilpu ahrin era amen ara.

1 Iji Tas Eled 1:14

Eris lep ahes ehele Kenan a nup u Jibus, im nup Emor, im nup u Circas,

Saam 42:2

Et mun merit emda inliinmopok ainyak vai Atua, vai Atua umoh marom; ekpu apan ainyak an nahopan, um ehcohos an nuhup u Atua?

Saam 9:16

Er ato Ihova va neruvaig inig et ago aien: eh apro ilpu atimi auatatimi ira auritai irai ikmara. Aktaktai aijaua. Sila.

Eksotus 17:7

Is anvi nidan nuarin iyehki aien par ika Masa, (Nauahas inliinmopon), im Meriba, (Nimiisjisitai), va nimiisjisitai u nup Isreel, im nedo auahas inliinmopoi Ihova, eris ika ara, Et amen eheleija a Ihova, ka oʼo?

Eksotus 3:8

ek mun asuol pam ainyak par imiatamai ra va nikmai nup Ijipt, um iknipagki ra an pece inaico, um ikni ra an pece upene um alupas, inpece et amen alupas nidenided im hune iran; an pece u nup u Kenan, im nup u Hed, im nup Emor, im nup u Piris, im nup u Haivai, im nup u Jibus.

Eksotus 33:2

ekpu abrai Nagelo unyak ainyak mika yi uhup iram aien; ekpu lep ahlo nup u Kenan ainyak, im nup Emor, im nup u Hed, im nup u Piris, im nup u Haivai, im nup u Jibus;

Aiseya 7:14

Va nitai inigki etpu alupai caua nitai asjaaicnaig a Natimarid; Etpu idim opoc a natahig, um apos inhalav atamaig, um anvi nidan par ika Imanuel. (Atua eheleija.)

Jeremaia 10:10

Ja et Atua inveijec a Ihova, et Atua umoh aien, et Atimarid aien irai iji mesese: et wat edemda aien etpu amaamai nobohtan, erupu eti emda a nup urai iji elcau par amen et wat uhum ra intavaitap o un.

Hosia 1:10

Ja erupu ahinag acen a nup Isreel, um idivaig nauanavig an nohmunjap, et ehka nasjaaicnaig vaig iran, um lep ehka nesvi vaig; im lep inig, an nuarin iyehki eris ika ehele ra, Eka eti ilpu atimi unyak aijaua, eri idim ika ehele ra eahki, Eka ilpu hal u Atua umoh aijaua.

Numera 13:29

Era amen a nup Amalek an pece inig et ahes nuritoga iran: era lep amen a nup u Hed, im nup u Jibus, im nup Emor irai lola edoon: era lep amen a nup u Kenan ubutpotet pan u injap, im lep an nahaijin Jortan.

Madius 16:16

Is tas a Saimona Pitrus, um ika, Nai Kristo aiek, Inhal o Atua umoh.

Joanes 6:69

ecra imyiisjis ninivaijec aijama um ato, nikavaig, nai Kristo aiek, Inhal o Atua umoh.

Tyuteronome 31:17

Ja etpu atupun nedemda unyak vai ra an nopan iyehki, ekpu udei ra ainyak, um adenaig nesganimtak vai ra, uhpu auahas ra, etpu lep yetpam ira ra niji itai has im nohocred inyi ahinag; erupu ika ara an nopan iyehki, Et eti amen eheleija a Atua, uja, va nitai inigki et yetpam iraija nitai has iji igki.

Tyuteronome 5:26

Natimi inig yek eda is atahaijeg nohrai Atua umoh aien intas vaig juju an cap, et idivaig cama, ja par umoh?

Tyuteronome 7:1

ETU wit imiapan caua a Ihova Atua unyimia an pece iyehki, akupu apan iran aijaua um ohuun, um ahlo nup urai pece et ahinag an nuhup unyimia, nup u Hed, im nup u Circas, im nup Emor, im nup u Kenan, im nup u Piris, im nup u Haivai, im nup u Jibus, nup urai pece et seven era ahinag um esjilid iramia ara;

Tyuteronome 7:21

Akumu jim imtitai ra aijaua: et amen ehelemia a Ihova Atua unyimia, Atua esjilid um emda.

1 Nupu Desalonaika 1:9

Era idim asuptecnaig ara nedo an napam unyak ehelemia, im lep nedo unyimia, nikavaig, akis atidjimia irai ilpu atmas aijaua vai Atua, um aheca u Atua umoh um inivaijec;

Ilpu Hibru 10:31

Nitai imtitaig vaig neigki, netjose an nikmai Atua umoh.

Josua 11:3

im nup u Kenan an ridjai o un im lep an nete o un, im nup Emor, im nup u Hed, im nup u Piris, im nup u Jibus irai lola edoon, im nup u Haivai ithan Hermon an pece Mispi.

Josua 12:8

irai lola edoon, im niskanse, im nuarin marara, im nuarin et amen wai iran, im namasacen, im inpece inig et ahes nuritoga iran; ilpu atimarid u nup u Hed, im nup Emor, im nup u Kenan, im nup u Piris, im nup u Haivai, im nup u Jibus: nikavaig,

Josua 21:45

Is eti etjo tah nitai upene inig is asaig a Ihova ehele nup Isreel; is yetpam nitai iji ehki asega.

Josua 22:31

Is tas a Finehas inhal u Elieser natimi ahlap ehele ilpu mapoi Ruben, im ilpu mapoi Cat, im nahaiji ilpu mapoi Manasi, um ika, Ecra ato aijama an nadiat inigki mika et amen eheleija a Ihova, akis eti ago nedo has inigki vai Ihova aijaua: eka mun imiatamaig nup Isreel aijaua an nikmai Ihova.

Josua 24:11

Akis algauwaig Jortan aijaua um yetpan Jeriko: eris ago nedoa vai caua a nup u Jeriko, im nup Emor, im nup u Piris, im nup u Kenan, im nup u Hed, im nup u Circas, im nup u Haivai, im nup u Jibus; kis ikni ra irai ikmamia ainyak.

Josua 3:9

Is ika a Josua ehele nup Isreel, Apam igcaki aijaua um atahaijeg intas o Ihova Atua unyimia,

Josua 9:1

ERIS wat ato nitai iji igki a ilpu atimarid asega u nup u Hed, im nup Emor, im nup u Kenan, im nup u Piris, im nup u Haivai, im nup u Jibus, an nahaijin Jortan igcapam, irai lola edoon, im lep irai iskanse, im lep irai iji uari pece u injap alupas ehnain pan irai Lebanon;

1 Samuel 17:26

Is tas a Tevit ehele atimi iji ig eris aiji ehelen ara, um ika, Eri ago inhe vai natimi inig etpu atgei nup u Filistia inigki aien, um atipagki nitai ehcamai vaig irai up Isreel? Et idivai di a nup u Filistia inig eris eti aperitome iran, mika yi imilaav niji pak an nedoa u Atua umoh?

1 Samuel 26:6

Is um tas ehele Ahimelek nup u Hed, im Abiseai inhal u Seruaia, etwai Joab a Tevit, um ika, Etpu ahced nyak a di um asuol sepan an nuarin amen iran o un? Is ika a Abiseai, Inki ahced euc ainyak, um asuol sepan.