Josua 3:1 - Intas Etipup

¹ IS auroauro a Josua um aiji an nuhialeg an nadiat dirt; eris ahes Sitim ara um atga ura um yetpan Jortan, aien im lep nup Isreel asega, um asjeuc eahki ja par algaunyi.

Josua 3:1 Iomraidhean Croise

Jenesis 21:14

Is aiji a Ebraham an nuhihialeg, um leh nitai caig im inhubej is amen inwai iran, um alupai Hecar, um atijai an neuhlin, im lep inhal o un, um abraig pagki rau: erus apan arau, um atga ahnag an namasacen Biersiba.

Jenesis 22:3

Is atidai a Ebraham an nuhihialeg, um ati satel irai togke o un, umleh intakuras is ero oun, im Aisak inhal o un, um ehtuko cai uri nitai ahlap atnamud, ura apan alaig an nuarin iyehki is asuptecnaig ehelen a Atua.

Saam 119:60

Kis auroauro ainyak, um eti ecrap par imiaiji intas alep unyum.

Jeremaia 25:3

Et mun yetpam ehelek intas o Ihova ahes an mesese dirtiind irai Josaia inhal u Emon natimarid an pece Juta, um yetpam an nadiat inigki; inmesese twente dirt nigki, ek mun tas ehelemia ainyak, ek mun atidai au nuhialeg ainyak um tas; ja eka mun eti atahaijeg aijaua.

Jeremaia 26:5

par atahaijeg intas o ilpu aheca unyak iji ig ilpu profeta marom, kis abrai ra ainyak mika eri apan ehelemia, kis atidai an nuhialeg ainyak um abrai ra, ja eka mun eti atahaijeg ra aijaua;

Jeremaia 7:13

Im lep inig, et ika a Ihova, Vaig inig nikavaig, eka mun ago nitai iji igki asega aijaua, kis mun tas ehelemia ainyak vaig, maiya, kis mun atidai au nuhialeg ainyak um tas ehelemia vaig, ja akis eti atahaijeg aijaua; kis lep ahlaig vai caua ainyak, ja akis eti ho aijaua;

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Numera 25:1

ERIS amen Sitim a nup Isreel, ja eris atupun natimi um ago ingeijid irai ilpu takata Moab.

Markus 1:35

Is wat athut nadiat an tak apnyin, is aiji aien, um alau ijo, um apan an nuarin namasacen, um alaigaheni eahki.

Josua 2:1

IS abrai natimi is ero Sitim a Josua inhal u Nun mika eru apan arau um adpau jam eti asaig, um ika, Arumu apan aijaurau um almoi inpece, Jeriko marom. Arus atga urau arau, um apan an neom u intakata has is ethi, nidan Rehab, um amen eahki.

Josua 6:12

Is auroauro a Josua um aiji an nuhialeg, eris lep apos nelcau u Ihova a ilpu atimi ahlap.

Josua 6:15

Eris auroauro ara um aiji an nuhialeg an nadiat sevend, um eceseven arehed an maliyum is idivaig itu: ja eris eceseven arehed iran ara an nadiat iyehki.

Josua 7:16

Is atidai a Josua an nuhihialeg, um imiapam nup Isreel irai elcau ura; eris ehtai ilpu mapoi Juta:

Josua 8:10

Is auroauro a Josua um atidai an nuhialeg, um esvi atimi, um uhup ira atimi, um aridjipan Eai, aien im ilpu atimi alupas irai up Isreel.

Ilpu Atimi Tas Alep 20:19

Eris atidai an nuhialeg a nup Isreel, um athai eom atga ura an maliyum Cibea, um aat iran.

1 Samuel 17:20

Is atidai a Tevit an nuhihialeg, um udei siip iji ehki ehele natimi aminjinaig, um lucsei itai, um apan, is idivaig is asaig ehelen a Jese; is um yetpan an nuarin amen iran u atimi aien, eris wat apan a ilpu eucsupo, um esyei ra, um aunyauwaig va nedoa.