Josua 24:2 - Intas Etipup

² Is ika a Josua ehele atimi asega, Et mun ika a Ihova Atua u nup Isreel, Eris amen a ilpu retpomia an nahaijin nofowai igcapan itu acen, um yetpan Tira etmai Ebraham, im etmai Nehor: eris lep aheca u ilpu atmas u nup urai pece ara.

Josua 24:2 Iomraidhean Croise

Jenesis 11:22

Is umoh a Siruc irai mesese is dirte (30), um apos Nehor:

Jenesis 11:24

Is umoh a Nehor irai mesese is twente nain (29), um apos Tira:

Jenesis 11:26

Is umoh a Tira irai mesese is sevente (70), um apos Ebram, im Nehor, im Heran.

Jenesis 11:27

Eris ilpu mapoi Tira ara sji igki: Is apos Ebram, Nehor, im Heran a Tira; is lep apos Lot a Heran.

Jenesis 31:19

Is apan a Leban mika yi ucsei alau irai siip o un: is lep ahneg niji atmasimai u etman a Rejel.

Jenesis 31:30

As merit alupas aiek nadumoij pan vaig an nimnim u etmam, va nitai inigki as atga unyum aiek, ja as a uri aiek par ahneg niji atmasimai unyak?

Jenesis 31:32

El et almoi niji atmasimai unyum aiek ehelen tah, uhmu atgei yin: el et ecetai tah nitai unyum ehelek aiek, leh aiek an nuhup u ilpu etwaijau. Is eti ato a Jekob mika is ahneg niji atmasimai a Rejel.

Jenesis 31:53

Etmu almaijidjid nedo ujau a Atua u Ebraham, im Atua u Nehor, Atua u etmarau. Is asig yi aktit intas o un a Jekob vai Atua is imtitai yin a Aisak etman.

Jenesis 35:4

Eris alupai Jekob niji atmasimai ui tak atimi asega ara is amen ehele ra, im inteijeg asega is amen irai tikgara; is atelmoi a Jekob ithan cai alupas ubutpotet pan Sikem.

1 Iji Tas Eled 1:27

im Ebram; tak idan Ebraham.

Aiseya 51:2

Akumu aespan Ebraham etpomia aijaua, im lep Sera akis ahes iran aijaua: kis imiacaij yin ainyak, is ethi ache aien, kis asan tas acis yi alwai yin ainyak, um ika eri ahinag a ilpu mapon.

Esikiel 16:3

um ika, Et ika a Natimarid Ihova ehele Jerusalem; As ahes irai up u Kenan aiek, eris apos euc an pece ura; is mapoi Emor a etpom, is mapoi Hed a risum.

Lukas 3:34

is hal o Jekob a Juta, is hal o Aisak a Jekob, is hal o Ebraham a Aisak, is hal o Tira a Ebraham, is hal o Nehor a Tira,

Tyuteronome 26:5

Namu tas aiek an nuhup u Ihova Atua unyum, um ika, Is up u Siria a etpok, um ubutpotet u inmas o un, is asuol an pece Ijipt aien im lep natimi eris eti elpat, ja eris esjilid ara, um emda, um ahinag eahki:

Josua 24:15

Ja eh et eti upene iramia par aheca u Ihova, akumu asaig aijaua aji nadiat inigki mika aki aheca u di aijaua: kit ilpu atmas iji ehki eris aheca ura a ilpu retpomia an nahaijin nofowai igcapan, ka ilpu atmas u nup Emor eka amen an pece ura aijaua: ja ekpu idim aheca u Atua ainyak im lep ra an nimnim unyak.