Josua 24:12 - Intas Etipup

¹² Kis abraig pan inpak irai lag alupas um has ainyak, eris uhup iramia ara, um ahlo pan ra an nuhup unyimia, nikavaig, ohwat atimarid erahki u nup Emor; ja akis eti ago aijaua irai ij va atimi unyimia.

Josua 24:12 Iomraidhean Croise

Saam 135:11

Is auud Saihon natimarid u nup Emor aien, im Oc natimarid an pece Besan, im nup urai iji elcau asega Kenan:

Saam 80:10

Is ataluopni niji edoon naiyu iran, is lep ataluopni niji sitar alupas niji ran.

Saam 80:9

As auorohos o un aiek, is eucvan, is lep ohua inpece vaig.

Eksotus 23:28

Ekpu abrai niji umehe ainyak mika eri uhup iram ara, um ahlo nup u Haivai, im nup u Kenan, im nup u Hed, an nuhup unyum.

Eksotus 23:31

Ekpu anvai nahaijin pece unyum ainyak, inyi ahes an Jap cap um yetpan an jap u nup u Filistia, etpu lep ahes an namasacen, um yetpan an nofowai: ekpu ikni nup uran pece an nikmam ainyak; namu ahlo ra aiek an nuhup unyum.

Numera 21:31

Eris amen a nup Isreel an pece u nup Emor.

Numera 21:32

Is abra atimi a Moses par apan um almaijidjid Jaeser, eris atoraliak niji maliyum haklin iran ara, um ahlo nup Emor eris amen eahki ara.

Tyuteronome 31:4

Etpu ago ira ra a Ihova et idivaig is ago aien irai Saihon im Oc, ohwat atimarid u nup Emor, im lep irai pece urau, is auahas aien.

Tyuteronome 4:46

an nahaijin Jortan igcapam an niskanse Bed-pior an pece u Saihon natimarid u nup Emor, is amen Hesbon aien, is auud yin a Moses im nup Isreel, eris wat ahes Ijipt ara um atga ura:

Tyuteronome 4:47

eris ohuun inpece o un ara, im inpece u Oc natimarid an pece Besan, ohwat atimarid u nup Emor, erus amen an nahaijin Jortan igcapam arau;

Tyuteronome 7:20

Etpu lep abraig pan ehele ra numehe a Ihova Atua unyimia, um imihum pan an nopan iyehki, uhpu auahas ra sji ehki erupu amen ara, um atpuh vai caua.

Josua 2:10

Ecris atahaijeg aijama mika is ika a Ihova yi ame Injap cap vai caua, an nopan iyehki akis ahes an pece Ijipt aijaua; im lep nedo unyimia vai Saihon im Oc, ohwat atimarid u nup Emor, an nahaijin Jortan igcapan, akis auahas ehni rau aijaua.