Josua 23:9 - Intas Etipup

⁹ Is ahlo nup urai pece alupas um emda an nuhup unyimia a Ihova: is eti emda tah natidai vaig an nuhup unyimia um imihum pam an nopan inig.

Josua 23:9 Iomraidhean Croise

1 Ilpu Atimarid 21:26

Is ago nedo has esjilid aien, nikavaig, is apitac irai atmasimai aien, et idivaig nedo asega u nup Emor, is ahlo pan ra a Ihova an nuhup u nup Isreel.

2 Niji Tas Eled 20:7

Na idim Atua unyima aiek, as ahlo nup uran pece inigki aiek an nuhup u nup Isreel unyum, um atcijaig imi ilpu mapoi Ebraham natimi is aiyu inliinmopom aiek vai yin irai iji mesese.

Eksotus 23:23

Etpu apan a Nagelo unyak um uhup iram, um imiapan euc an pece u nup Emor, im nup u Hed, im nup u Piris, im nup u Kenan, im nup u Haivai, im nup u Jibus: ekpu idim auahas ra ainyak.

Eksotus 23:30

Ekpu eklim ahlo ra ainyak an nuhup unyum, um imihum pan an nopan iyehki akupu ahinag aijaua, um ohuun inpece.

Niji auritai o ilpu Apostolo 7:45

Eris lep imyiapam neom iyehki a ilpu retpoija eris epitpitac ara im Josua, an pece ineig eris ohuun a nup urai taka pece iji ehki, is ahlo ra a Atua an nuhup o ilpu retpoija, um yetpan an naopan iyehki an numoh o Tevit;

Tyuteronome 11:23

etpu ahlo nup urai pece asega iji ehki a Ihova an nuhup unyimia, akupu ohuun niji pece u atimi iji ig aijaua era ahinag ara um esjilid iramia.

Tyuteronome 7:24

Etpu atcijaig ilpu atimarid ura irai ikmamia aien, akumu lep iknipagki nidara aijaua an noboh-tan: inyi eti emda tah natimi natidai vaig an nuhup unyimia, um imihum pan an nopan iyehki akupu auahas ehni ra aijaua.

Josua 1:5

Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.

Josua 15:14

Is ahlo ehtaij halav atamaig u Enak eahki a Keleb, nan, Seseai, im Ahaiman, im Talmeai, ehtijis hal u Enak ahtaij.

Josua 23:5

Etpu atcijai ra an nuhup unyimia a Ihova Atua unyimia, um ahlo ra an nuhup unyimia; akupu ohuun inpece ura aijaua, et idivaig is asaig ehelemia a Ihova Atua unyimia.

Josua 23:8

jam apol irai Ihova Atua unyimia, et idivaig akis ago aijaua um imihum pam an nopan inig.

Josua 24:18

is ahlo atimi asega an nuhup uja a Ihova, nup Emor marom eris amen an pece ara: va nitai inigki ecrupu lep aheca u Ihova aijama: et idim Atua uja aien.