Josua 23:7 - Intas Etipup

⁷ va aki jim tup ethi ache pan irai up urai pece iji igki aijaua era amen ehelemia ara; um jim anvi nidai ilpu atmas ura, um jim asan tas aktit unyimia vai ra, um jim aheca ura, um jim atpuse an nuhup ura:

Josua 23:7 Iomraidhean Croise

2 Ilpu Atimarid 17:12

eris aheca u atmasimai iji ig ara, is tas vaig a Ihova, um ika ehele ra, Akumu jim ago nitai inigki aijaua.

2 Ilpu Atimarid 5:18

Ja etmu jim aru irai naheca unyum a Ihova va nitai inigki, nikavaig, etu wit apan a natimarid unyak anliin neom u Rimmon par ago nalaigaheni eahki, etu wit asgeig pam an nikmak aien, eku wit lep atpuse ainyak anliin neom u Rimmon: etmu jim aru irai naheca unyum a Ihova, eku wit atpuse ainyak anliin neom u Rimmon va nitai inigki.

2 Niji Tas Eled 7:19

Ja el eka adumoij aijaua, um atcijaig nedo upene unyak im intas alep unyak, kis ati ehelemia ainyak, um apan um aheca u ilpu atmas, um alaigaheni vai ra;

Saam 16:4

Etpu ahinag nohocred ura era ahilek intak atua ara: inki eti ahlap ainyak irai iji itai ahlap an ja irai itai ura er umnyi, mil eti asa nidara an nipjineucsek.

Eksotus 20:5

namu jim atpuse an nuhup ura aiek, um aheca ura: ek Ihova ainyak Atua unyum, et idivaig nedemda u natimi oporei nedemda unyak, ekpu aru nedo has u ilpu atmil ura ainyak irai ilpu hal ura, um yetpan irai ilpu mapoi ilpu atimi amcel vai nyak;

Eksotus 23:13

Akumu aminjinaig nitai iji igki asega aijaua ek mun asaig ehelemia ainyak: um jim anvi nidai tah natmas, um jim tas vai ra.

Eksotus 23:33

Erumu jim amen ara an pece unyum, va aki jim ago nedo has aijaua an nuhup unyak vai ra: el et aheca u ilpu atmas ura aiek, inyi itai oop euc nigki.

Niji tas Arapakau 4:14

Namu jim apan an nefalaig u ilpu atimi auatatimi aiek, um jim atga an nefalaig u ilpu atimi ago nedo has.

Jeremaia 12:16

Etpu idim uco, el era emda ara um ato nedo o ilpu atimi unyak, um asig yi aktit intas va nidak, um ika, Et idim umoh a Ihova; et idivaig eris esege imi ilpu atimi unyak par asig yi aktit intas vai Beal; erupu amen aktit ara ehele ilpu atimi unyak.

Jeremaia 5:7

Et ehka vai nyak par ohpodohpod nedo has unyimia va nitai inigki; era mun udei nyak a ilpu hal unyimia, um asig yi aktit intas vai ra sji igki era eti atua ara: kis wat alaa ra upene nitai caig ainyak, eris ago ingeijid ara, um asjapicnaig irai eom u ilpu takata has, eris ahinag ara.

Hosia 2:17

Ekpu idim iknipagki idai ilpu atmas an nipjineucsen ainyak, uhpu eti lep imiehva ra va nidara.

Sefanaia 1:5

im lep ra sji ig era alaigaheni ara vai niji itai an nohatag an nijintin eom ura; im lep ra sij ig era alaigaheni vai Ihova ara um asig yi aktit intas vai yin, um lep asig yi aktit intas vai Molok;

Numera 32:38

im Nibo, im Beal-mion, (is eche nidara,) im Sibma: eris lep anvi tak idai inmaliyum iji igki ara eris actaig ara.

Numera 33:55

Ja el eka eti ahlo atimi an pece aijaua an nuhup unyimia; erupu itai upunupun ara irai esgaiimtamia, um itai ahcai ira ahaijimia, um imiedohalav caua an pece eka amen iran aijaua.

1 Nupu Korindus 15:33

Akumu aktaktai upene aijaua: nedo auahas nedo upene unyimia neigki, par amen pan ehele ilpu atimi auatatimi.

Nupu Efesus 5:11

um jim tup ethi ache pan irai ilpu atimi ago nedo aupat ineig et eti upene, jam acaiji ra vaig.

Tyuteronome 10:20

Akumu imtitai Ihova Atua unyimia aijaua; um aheca o un, um apol iran, um asan tas aktit an nidan.

Tyuteronome 6:13

Akumu imtitai Ihova Atua unyimia aijaua, um aheca o un, um asan tas ipjin unyimia an nidan.

Tyuteronome 6:14

Akumu jim apitac ilpu atmas aijaua, irai ilpu atmas u nup urai pece era amen arehed iramia ara;

Josua 23:12

Ja el eka adumoij aijaua um apol ira ahaiji up urai pece iji igki era amen ehelemia ara, um asaig natmehgan ehele ra, um apan ehele ra, um lep apam ehelemia ara:

Josua 23:8

jam apol irai Ihova Atua unyimia, et idivaig akis ago aijaua um imihum pam an nopan inig.