Josua 23:16 - Intas Etipup

¹⁶ Aku wit imipalea intas alep u Ihova Atua unyimia aijaua, is asaig ehelemia aien, um apan um aheca u ilpu atmas u nup urai pece, um atpuse an nuhup ura; etpu atavaitap vai caua a Ihova, akupu lep auroauro aijaua um emesmas an pece upene inig is alupai caua aien.

Josua 23:16 Iomraidhean Croise

1 Ilpu Atimarid 14:15

Etpu idim auud nup Isreel a Ihova, et idivaig nieg et amaamai iran wai, etpu ehped nup Isreel aien an pece upene inigki, is alupai ilpu retpora aien, um imiterimterim ra an nahaijin nofowai itac, va nedo ura, nikavaig, eris ago niji uarin itap ura ara um auahas inliinmopoi Ihova.

1 Ilpu Atimarid 9:6

Ja el eka adumoij aijaua um eti apitac nyak, im lep ilpu hal unyimia, um eti apos intas alep unyak im intas asuptecnaig unyak, kis ati an nuhup unyimia ainyak, jam apan um aheca u taka atua, um alaigaheni vai ra:

1 Ilpu Atimarid 9:7

ekpu auahas nup Isreel ainyak an pece kis alupai ra ainyak; ekpu lep atipagki neom inigki ainyak kis imiitap ainyak va nidak; erupu lep tas ecsipece um imiafakahcil nup Isreel a nup urai iji pece asega:

2 Ilpu Atimarid 17:7

Eris idim ago nedo has a nup Isreel vai Ihova Atua ura; is iknipagki ra aien an pece Ijipt, an nikmai Fero natimarid Ijipt, um alaigaheni vai ilpu atmas u nup urai iji pece,

2 Ilpu Atimarid 24:20

Ja is atidjin natimarid an pece Babelon a Setekaia vai intavaitap u Ihova vai nup u Jerusalem im nup u Juta, um imihum pan an nopan iyehki is ahlo ra aien an nuhup o un.

Aiseya 24:5

Era mun auahas nitap an pece a ilpu atimi amen iran; vaig inig nikavaig, eris mun atladwi intas alep u Atua ara, um atipagki intas itap o un, um auahas intas etipup inyi eti lep ti o un.

Jeremaia 32:23

eris lep apam ara um ohuun inpece inigki; ja eris eti atahaijeg nohram ara, um eti imiaiji intas alep unyum; eris eti ago tah nitai ara irai itai iji igki as tas alep vaig ehele ra aiek mika eri ago: va nitai inigki as ika aiek yi yetpam ehele ra nohocred asega inigki:

Jeremaia 32:24

et idim ubutpotet u inmaliyum niji edoon an nobohtan ura eris uctaig ara, mika eri atoraliak; eh mun atcijaig inmaliyum pan an nikmai nup u Kaltia iji ig era aat iran ara, va nedoa, im lep va numlaig has, im lep van mas alupas: et idim eteuc nitai inig as upyi asaig aiek; na idim almoi aiek.

Numera 33:56

Ekpu lep ago iramia ainyak, et idivaig kis ika ainyak ki ago ira ra ainyak.

Tyuteronome 17:3

um apan um aheca u ilpu atmas u nup urai iji pece, um ago nalaigaheni vai ra, kit nagesega, ka inmohoc, ka inmoijeuv an nohatag, kis acaiji ainyak;

Tyuteronome 28:15

Ja el eka eti atahaijeg nohrai Ihova Atua unyimia aijaua, um eti imiaiji intas alep asega o un, im nedo o un, ek asaig ehelemia ainyak an nadiat inigki; etpu yetpam iramia nitai has iji igki asega, um uhum pan caua.

Tyuteronome 6:15

(et Ihova a Atua unyimia et amen ehelemia aien, et idivaig nedemda u natimi oporei nedemda u Atua,) vai yi jim edemda vai caua a Ihova Atua unyimia, um auahas caua an nobohtan.

Ilpu Atimi Tas Alep 2:14

Is edemda alupas vai nup Isreel a Ihova, is atcijai ra aien irai ikmai ilpu atimi atoraliak itai, eris atoraliak itai ura ara, is lep ahtai ra aien irai ikmai ilpu atimi tak atimi ira ra marehed mihtag, va nitai inigki is ehka vai ra par lep aiji an nuhup u ilpu atimi tak atimi ira ra.

Ilpu Atimi Tas Alep 2:20

Is alupas nedemda u Ihova vai nup Isreel; is ika aien, Vaig inig nikavaig, era mun atladwi intas etipup unyak natimi iji ig kis tas alep vaig ainyak ehele ilpu retpora, um eti atahaijeg intas unyak;

1 Samuel 12:25

Ja el eka aketo aijaua um ago nedo has, uhpu auahas caua; maiya, aijaua im lep natimarid unyimia.