Josua 23:11 - Intas Etipup

¹¹ Akumu aminjinaig caua aijaua, va etpu aiyu inliinmopomia aijaua vai Ihova Atua unyimia.

Josua 23:11 Iomraidhean Croise

Eksotus 20:6

ja ekpu aiheuc va atimi iji ig im ilpu mapora yi itu ira ra ainyak et aiyu inliinmopora ara vai nyak, um imiaiji intas alep unyak.

Niji tas Arapakau 4:23

Namu aminjinaig inliinmopom aiek an nemda asega unyum, et idim ehlohos iran nedo asega unyum.

Lukas 21:34

Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

Nupu Roma 8:28

¶ Inta lep ato akaija, mika et ehrauritai niji itai asega, mika yi upene vai ra et aiyu inliinmopura ara vai Atua, is ahlaig vai ra aien is idivaig nupyi aktaktai o un.

1 Nupu Korindus 16:22

El et eti aiyu inliinmopon tah natimi vai Iesu Kristo Natimarid, etmu erikinman iran aien. Etpu ham a Natimarid.

1 Nupu Korindus 8:3

Ja el et aiyu inliinmopon tah vai Atua, et ato yin a Atua.

Nupu Efesus 5:15

Akumu eklim atga upene aijaua, um idivai ilpu atimi arapakau, um jim idivai ilpu atimi ahnag,

Tyuteronome 30:16

nikavaig, ek asaig ehelemia ainyak an nadiat inigki mika yi aiyu inliinmopomia aijaua vai Ihova Atua unyimia, um ahced nefalaig o un, um apos intas alep o un, im nedo o un, im intas asaig o un, va akupu umumoh aijaua, um asvalav inyi ahinag: etpu lep acis yi alwai caua a Ihova an pece iyehki eka apan iran aijaua par ohuun.

Tyuteronome 30:20

va etpu aiyu inliinmopomia aijaua vai Ihova Atua unyimia, um imiaiji intas o un, um apol iran: et imiatumumoh caua aien, um ika yi ahinag niji adiat iramia: va akupu amen aijaua an pece is upyi asaig ehele ehtaij retpomia aien, ehele Ebraham, im Aisak, im Jekob, mika uhpu alupai ra.

Tyuteronome 4:15

Akumu aktaktai upene aijaua; akis idim eti almoi tah nitai aijaua an nopan iyehki is tas a Ihova ehelemia an nedoon Horeb juju an niblan cap:

Tyuteronome 4:9

jam aktaktai caua aijaua, um aminjinaig upene inliinmopomia, va aki jim eti imiehva aijaua nitai iji igki akis almoi an nesganimtamia aijaua, um lep tiih an liinmopomia ira adiat asega an numoh vaig unyimia: jam esege imi ilpu hal unyimia aijaua, im ilpu mapomia;

Ilpu Hibru 12:15

um aminjinaig upene caua, vai yi jim etjo itac tah, um eti leh naiheuc o Atua; vai yi jim edel tah nicvan itai acen, um imyidohalav caua, um auahas atimi inyi ahinag;

Josua 22:5

Jam aminjinaig caua um imiaiji intas alep inig is asaig ehelemia a Moses naheca u Ihova, nikavaig, etmu aiyu inliinmopomia aijaua vai Ihova Atua unyimia, um ago nedo asega o un, um apos intas alep o un, um apol iran, um aheca o un an liinmopomia asega, im lep an nemda asega unyimia.

Josua 23:10

Etpu ahau atimi inyi wun dausant a natimi yi ethi iramia: et idim ago nedoa unyimia a Ihova Atua unyimia; et idivaig is upyi asaig ehelemia aien.

Josua 23:12

Ja el eka adumoij aijaua um apol ira ahaiji up urai pece iji igki era amen ehelemia ara, um asaig natmehgan ehele ra, um apan ehele ra, um lep apam ehelemia ara: