Josua 23:10 - Intas Etipup

¹⁰ Etpu ahau atimi inyi wun dausant a natimi yi ethi iramia: et idim ago nedoa unyimia a Ihova Atua unyimia; et idivaig is upyi asaig ehelemia aien.

Josua 23:10 Iomraidhean Croise

2 Samuel 23:8

Nidai ilpu atimi emda eris leh imi Tevit ji igki: is ateuc an nitai ateuc a Atino inhal u Hak-monai, is esjilid irai ilpu atimi alupas aien; is aat ira atimi is eet huntret (800) aien, um ahau ra an nopan is ethi.

1 Iji Tas Eled 5:20

Eris atau imi ra an nedoa, eris lep ikni nup u Hecar irai ikmara, im ra asega ehele ra: eris ugyi Atua an nedoa ara, is adai intas ura aien; eris idim asgeig iran ara.

1 Iji Tas Eled 5:22

Eris eropropse natimi is ahinag um emesmas, is idim ahes ehele Atua nedoa iyehki. Eris amen eahki ara, um isjeupigmoig ra, um imihum pan an nopan iyehki eris lucsei pan ra an nedoa.

Saam 35:1

AK Ihova, namu imiisjis aiek ehele ra sji igki era imiisjis ehelek ara: um auahas ra sji igki era ika ara eri auahas nyak.

Saam 46:7

Et amen eheleija a Ihova esjilid acen; et uarin adenaig uja a Atua u Jekob. Sila.

Eksotus 14:14

Etpu ago nedoa vai caua a Ihova, akumu eucsup aijaua.

Aiseya 30:17

Erupu aha natimi inyi wun dausant vai intas eduahpan u natimi inyi ethi; akupu aha aijaua vai intas eduahpan u natimi inyi faiv: um yetpan an nopan iyehki akupu echim amen aijaua et idivaig nauincai aduwi an lolan nau, um idivaig nitai ahlaig an lolan nedoon.

Levitikus 26:7

Akupu ahau ilpu atimi tak atimi iramia aijaua, erupu emesmas ara an nedoa an nuhup unyimia.

Levitikus 26:8

Erupu ahau atimi et wun huntret natimi et faiv iramia, erupu esjilid ira atimi et wun dausant natimi et wun huntret iramia: erupu emesmas a ilpu atimi tak atimi iramia an nedoa an nuhup unyimia.

Sekaraia 12:8

An nopan iyehki etpu imialep nupu Jerusalem a Ihova; im lep inig, aien et auatialidi aien ira ra an nopan iyehki etpu idivaig Tevit aien; erupu idivaig Atua a ilpu mapoi Tevit, um idivaig Nagelo o Ihova an nuhup ura.

Nupu Roma 8:31

¶ Intupu asan he akaija va nitai iji eigki? el et leh imi caija a Atua, di neigki et tak atimi iraija?

Tyuteronome 20:3

um ika ehele ra, Ak nup Isreel, atahaijeg aijaua, eka mun ham aijaua an nadiat inigki par ago nedoa vai ilpu atimi tak atimi iramia: etmu jim auatialidi inliinmopomia aijaua, um jim imtitaig, um jim eucjeucjeucaij, um jim ohocred vai ra;

Tyuteronome 20:4

et idim ahced caua a Ihova Atua unyimia, par ago nedoa vai ilpu atimi tak atimi iramia, um imiatamaig caua.

Tyuteronome 28:7

Etpu ika a Ihova uhpu auud an nuhup unyimia ilpu atimi tak atimi iramia: erupu atidai vai caua ara an nefalaig yi ethi, jam aha irai efalaig inyi seven.

Tyuteronome 3:22

Akumu jim imtitai ra aijaua: etpu idim ago nedoa unyimia a Ihova Atua unyimia.

Tyuteronome 32:20

Is ika aien, Ekpu adenaig nesganimtak ainyak vai ra, ekpu almoi ainyak inyi echamecha vai ra: era ilpu atimi auatatimi ara, um eti inveijec.

Tyuteronome 32:30

Inyi eti emda natimi inyi ethi nahau vaig atimi inyi wun dausant u nup Isreel, im natimi inyi ero nahlo vaig atimi inyi ten dausant ira ra, el et eti ahtai ra a Inhehteuc ura, um eti atapnes ra a Ihova.

Josua 10:42

Is asjiraig ilpu atimarid iji ehki asega a Josua um ohuun inpece ura an nopan is ethi ache, is idim ago nedoa u nup Isreel a Ihova Atua ura.

Josua 23:11

Akumu aminjinaig caua aijaua, va etpu aiyu inliinmopomia aijaua vai Ihova Atua unyimia.

Josua 23:3

akis almoi aijaua nedo asega u Ihova Atua unyimia vai nup urai pece iji igki asega vai caua; is idim ago nedoa unyimia a Ihova Atua unyimia.

Ilpu Atimi Tas Alep 15:15

Is ecetai neduon neucse togke mat aien, um ada nikman, um leh, um auud, um ahau pan atimi is wun dausant (1,000).

Ilpu Atimi Tas Alep 3:31

Is wat mas a Ihut, is isjeupigmoig yin a Samcar inhal u Enad, is atgei nup u Filistia is siks huntret (600) aien: is lep imiatamaig nup Isreel aien.

1 Samuel 14:6

Is ika a Jonadan ehele intakuras iyehki is apos nij va atimi o un, Tu apan akaijau, um algauwaig, um yetpan au pak an nedoa u atimi eti aperitome iji igki: kit etpu ago nauritai vai caijau a Ihova: et eti ehka vai Ihova par imiatamaig caija va atimi et ahinag, ka atimi et eti elpat.