Josua 23:1 - Intas Etipup

¹ IS alupai nup Isreel nitai atumop vai ilpu atimi tak atimi asega ira ra a Ihova, ja is ti pan itac inmesese is ahinag, is efatimi a Josua an nopan iyehki um ahinag inmesese iran.

Josua 23:1 Iomraidhean Croise

Jenesis 25:8

Ja is mas a Ebraham, an nefatimi o un, is ahinag inmesese iran; eris ati yin ehele ilpu retpon.

1 Ilpu Atimarid 1:1

IS efatimi a Tevit um ahinag inmesese iran; eris adahpoi yin ira apelumai ara, ja is eti ehehtin aien.

1 Iji Tas Eled 23:25

Is ika a Tevit, Is alupai ilpu atimi o un nitai atumop a Ihova Atua u nup Isreel, va erupu amen Jerusalem ara irai iji mesese:

1 Iji Tas Eled 27:1

ERIS atiakoai sjipe nup Isreel eris esvi ra, ilpu atimi esjilid, im ilpu atimi alupas irai iji dausant (1,000) atimi, im lep ilpu atimi alupas irai iji huntret (100) atimi, im ilpu atimi esjilid ira ra eris aheca u natimarid ara irai iji opan asega ura; eris asitu jipe ira ra ara irai iji mohoc asega, irai iji mesese, eris twente for dausant (24,000) natimi irai iji pak ira atimi asega, athi um athi ehni.

2 Niji Tas Eled 14:1

IS umjegse a Abaijam ehele ilpu retpon, eris atelmoi yin an maliyum u Tevit: is isjeupigmoig yin a Esa inhal o un, um atimarid. Is igpa inpece an numoh o un irai mesese is ten.

2 Niji Tas Eled 14:5

Is lep iknipagki niji uarin ijinies im niji atmasimai irai iji maliyum asega an pece Juta aien: is igpa inpece an nopan o un.

2 Niji Tas Eled 20:30

Is igpa nelcau u Jehosafat: is ika a Atua o un yi igpa vai yin marehed mihtag.

Saam 46:9

Et ika aien, eri asan nigpa an nobohtan asega; etpu asvi inceen efana aien, um ahtaldei mopul; etpu atnamud niji jariot an cap aien.

Aiseya 63:14

Etpu asuol an niskanse niji itai eklim edo irai pece, etidim uco, et ika a Nesgai Ihova eri atumop u nup uran pece unyum: as lep idim atau irai ilpu atimi unyum aiek, mika au ago vai euc nidam esjilid.

Tyuteronome 31:2

Is ika ehele ra aien, Et eteuc inmesese et wun huntret im twente irak an nadiat inigki; et ehka vai nyak inlep ago vaig itai: is lep ika ehelek a Ihova, Napu eti algaunyi Jortan inigki aiek.

Josua 11:23

Is atoraliak inpece asega a Josua, is idivaig intas asega u Ihova ehele Moses; is alupai nup Isreel a Josua mika eri ohuun ara is idivaig niji elcau ura vai ilpu retpora. Eris atumop ara va nedoa.

Josua 13:1

IS efatimi a Josua um ahinag inmesese iran; is tas ehelen a Ihova, um ika, Na efatimi aiek um ahinag inmesese iram, ja et eteuc nahaijin pece alupas eris eti atoraliak.

Josua 21:44

Eris amen upene ara, is idivaig intas asega u Ihova ehele ilpu retpora: is eti atidai an nuhup ura tah natimi irai ilpu atimi tak atimi ira ra; is ikni ilpu atimi tak atimi ira ra asega irai ikmara a Ihova.

Josua 22:4

Ja era amen upene a ilpu etwamia an nopan inig vai Ihova Atua unyimia, et idivaig is upyi asaig ehele ra aien: va nitai inigki akumu adumoij aijaua, um apan iraili eom unyimia an pece unyimia iyehki, is alupai caua a Moses naheca u Ihova an nahaijin Jortan igcapan.

1 Samuel 12:2

Et idim atga a natimarid an nuhup unyimia an nopan inig: ek mun efatimi ainyak um ahleuco; im lep inig, erau amen ehelemia ahwat halav atamaig unyak: kis idim atga ainyak an nuhup unyimia an halav unyak um imihum pam an nadiat inigki.