Josua 20:4 - Intas Etipup

⁴ Etpu aiji an neucse nirahed an maliyum a natimi inig et ahapan aien an tah irai maliyum iji igki, um asuptecnaig nedo o un ehele ilpu atimi alupas an maliyum iyehki, ja erupu leh pam yin an maliyum ara, um alupai yin nuarin amen iran, va etpu amen ehele ra aien.

Josua 20:4 Iomraidhean Croise

Nitaasviitai u Job 29:7

Kis wat atga an maliyum ainyak alaig an neucse nathatahau; eris wat ati nitai ateuc unyak eh tas alep iran an nuarin lah.

Nitaasviitai u Job 5:4

Era itac acen va namen upene ura a ilpu hal o un, eri auwihi ra an neucse nathatahau, ja etpu ti tah par imicoho ra.

Saam 26:9

Namu jim ati nesgak aiek ehele ilpu atimi auatatimi, im nitai umoh iran unyak ehele ilpu atimi atgei atmas:

Niji tas Arapakau 31:23

Era ato natumnyu un natimi asega ira asjapicnaig ura, et wat ateuc aien ehele ilpu atimi alupas an pece.

Jeremaia 38:7

Is amen an nimnim u natimarid a Ibet-milek nup Idiopia, naheca esjilid is ethi, is wat atahaijeg aien mika eris ethaigse Jeremaia ara an nehpanitai; is lep ateuc a natimarid an neucse nathatahau u nup u Benjamin;

Ilpu Hibru 6:18

mika ti imyiacitak acen akaija va nitai aktit eraig et ero, et ehka vai Atua nasaig tas ahcil vaig iran, intis aha pan akaija, mika ti asjiraig nitai ineig inta aitgaig akaija er ehvaig eheleija.

Josua 20:3

va etpu ahapan eahki a natimi inig et atgei atmas aien, jam eti ethetiknaig, um eti aktaktai: uhpu amen upene eahki va natimi eijeijei natmas.