Josua 2:5 - Intas Etipup

⁵ erau mun alau ijo arau an jupura an nopan atapnes an neucse nathatahau: ek eti ato ainyak nuarin inig erau mun han iran ahwatatimi erahki: auroauro um apitac rau; akupu uhum pan rau aijaua.

Josua 2:5 Iomraidhean Croise

Nihemaia 13:19

Is wat jupura an nadiat asgeig pan an nadiat atumop, um apat neucse nathatahau Jerusalem, kis asaig ainyak mika eri atapnes eucse nathatahau, kis lep asaig ainyak mika etpu ti pan itac nadiat atumop ja uhpu asalgei: kis ikni hal ilpu aheca unyak ainyak u eucse nathatahau, va eri jim imiapam tah nitai apos an nadiat atumop.

Aiseya 60:11

Uhpu lep asalgei niji eucse athatahau unyum irai iji adiat; uhpu eti lep atapnes an nadiat im lep an nepig; par imiapam ehelum naga u nup urai iji pece, im lep ilpu atimarid ura eris arore ra.

Jeremaia 50:20

Et ika a Ihova, Uhpu ahilek nedo acalacal u nup Isreel irai adiat iji ehki, ja inyi idim ti; im lep nedo has u nup u Juta, ja eri idim eti ecetai: ekpu idim ohpodohpod nedo has u ilpu ahri atimi unyak ainyak.

Esikiel 47:12

Im lep inig, etpu ededel u nofowai inigki an nohmun wai ehro, an nahaijin inigki im lep an na-haijin inaico, niji obotpot cai asega eh hegaig, etpu eti imlai nerin, etpu eti omot nasau iran: etpu eteuc inhupnan irai iji mohoc asega, vaig inig nikavaig, et ahes an neom itap inwai ura: etpu itai caig nohwan, etpu wai emehe nerin.

Josua 2:4

Is leh natimi is ero erahki a intakata iyehki, um adenaig rau, um ika, Erau mun ham ehelek natimi et ero, ja ek eti ato ainyak nuarin inig erus ahes iran arau:

Josua 2:6

Ja is imiapan rau ijinies an neom aien, um adenaig rau irai cei flaks, is aehiaig ijinies an neom aien.

Josua 2:7

Eris apitac rau natimi an nefalaig alaig pan Jortan, um yetpan irai uarin algauwaig: eris wat apan itac a ilpu atimi apitac rau, eris atapnes an neucse nathatahau.

Nitai ehvaig 21:25

Eri ti atapanes intapanes iran an nadiat: va nitai ineig, nikavaig, inyi ti lep epeig eahki.

1 Samuel 19:14

Is wat abra atimi a Saal mika eri arop irai Tevit, is ika a Maikal, Et emehe aien.