Josua 2:11 - Intas Etipup

¹¹ Ecris wat atahaijeg intas va nitai iji igki aijama, is auatialidi inliinmopoma aijama, is lep eti emda tah natimi vai caua: et Atua ijinies an nohatag, im lep sepamki an nobohtan, a Ihova Atua unyimia.

Josua 2:11 Iomraidhean Croise

1 Ilpu Atimarid 8:60

va erupu ato a nup uran nobohtan asega mika et Atua a Ihova, um eti lep eteuc tah.

2 Ilpu Atimarid 5:15

Is lep adumoij pan ehele natimi u Atua aien, im ilpu atimi ahced yin asega, um aiji an nuhup o un: is ika aien, Ek idim ato ainyak an nopan inig mika, et eti eteuc tah atua an nobohtan asega, an pece Isreel ache: namu leh naaurinig u naheca unyum aiek.

Nihemaia 6:16

Eris wat atahaijeg a ilpu atimi tak atimi irama, eris wat lep almoi a nup urai pece asega arehed irama, is auatialidi inliinmopora ara: eris idim ato ara mika is ago nauritai inigki a Atua.

Ester 8:17

Is amen nimiacitak im incediaig, im inhag alupas im nopan upene, ehele nup u Juta irai iji uari pece asega, im niji maliyum asega, is yetpan iran intas alep u natimarid im nitai inig is asaig aien. Eris ika natimi is ahinag an pece iyehki eris up u Juta ara; is idim eteuc ira ra nimtitaig vai nup u Juta.

Saam 102:15

Erupu lep imtitai nidai Ihova a nup urai iji pece; erupu lep ecen va natimi alupas unyum a ilpu atimarid asega an nobohtan.

Saam 22:14

Er atladwi nyak et idivaig inwai, et lep esjiliek niji eduok asega: et idivaig nasancai inliinmopok ainyak; et ahga anliin nipjinetgak.

Saam 58:7

Erumu atiih ara, et idivaig inwai et yah irai iji adiat; etu wit aiyihi nefana o un a Atwa, uhmu asjaldei sjipe ra.

Saam 83:18

va erupu ato natimi, mika nai esjilid acen aiek ache an nobohtan asega: nidam nigki Ihova.

Eksotus 15:14

Erupu atahaijeg natimi, um imtitaig: erupu ohocred a nup u Palestaina.

Eksotus 15:15

Erupu imiali a ilpu atimi alupas an pece Itom; erupu eucjeucjeucaij a ilpu atimi emda an pece Moab; erupu auatialidi a nup u Kenan asega.

Aiseya 13:7

Va nitai inigki etpu asjileuc nikma atimi asega, um auatialidi inliinmopoi atimi asega:

Aiseya 19:1

INTAS eduahpan vai nup Ijipt nigki. Almoi Ihova aijaua, et ateuc an nepig aien, et ae aiheucaiheuc aien, et lep apam an pece Ijipt aien: era amaamai niji atmasimai u nup Ijipt an nuhup o un, et lep auatialidi inliinmopoi nup Ijipt.

Esikiel 21:15

Ek mun ati nilpun nauitoga ainyak vai niji eucse athatahau asega ura, mika yi auatialidi inliinmopora, um lep mika yi ahinag niji itai ura uhpu auahas: awe! er ago mika yi naunau nauitoga, er lep ago upene par atgei atmas.

Nehum 2:10

Et ahyuahyu inmaliyum Ninevi, um umaruma, um ti nitai iran: et auatialidi inliinmopoi atimi, et eucjeucjeucaij niji eduora, et emda alupas inwauahid ura asega, et has nesganimtara asega va nimtitaig ura.

Tyuteronome 1:28

Intupu apan eda akaija? era mun auahas inliinmopja a ilpu etwaija, um ika, Era alupas a nup eahki um esjilid iraija; et esjilid niji maliyum ura, et lep aridjai nathatahau iran an nohatag; ecris lep ecet nup Enak eahki aijama.

Tyuteronome 20:8

Erumu lep tas ehele atimi a ilpu atimi alupas, um ika, El et imtitaig tah natimi um auatialidi inliinmopon, etmu adumoij pan an neom o un aien, vai yi jim auatialidi inliinmopoi ilpu etwan et idivaig inliinmopon.

Tyuteronome 4:39

Akumu ato aijaua an nadiat inigki, um aktaktai an liinmopomia, mika et Atua ijinies an nohatag a Ihova, im lep sepamki an nobohtan et eti lep eteuc tah et eche.

Josua 14:8

Ja eris auahas inliinmopoi atimi a ilpu etwak eris ahced nyak ara: ja kis apitac asega Ihova Atua unyak ainyak.

Josua 2:24

erus ika ehele Josua arau, Et mun idim atcijaig imi caija inpece asega iyehki a Ihova; era auatialidi natimi asega an pece vai caija.

Josua 5:1

ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.

Josua 7:5

Eris atgei natimi is dirte siks ira ra a nup Eai: eris ahes an neucse nathatahau ara um ahau ra um yetpan Sebarim, um auud ra an nasuol vaig ura: va nitai inigki is ahga inliinmopoi atimi um idivan wai.

Josua 9:24

Eris asuptecnaig ehele Josua ara, um ika, Eris idim asaig ehele ilpu aheca unyum mika, is tas alep ehele Moses a Ihova Atua unyum mika yi alupai caua inpece asega, um auahas nup uran pece asega an nuhup unyimia, va nitai inigki ecris imtitaig aijama vai caua, um ago nedo inigki.

Nitai ehvaig 6:16

um ika ehele lola edoon im nij, Eropse irama, um adenai cama va nesganimtan et ateuc aien a dorona, im lep vai intavaitap u Lam: