Josua 2:10 - Intas Etipup

¹⁰ Ecris atahaijeg aijama mika is ika a Ihova yi ame Injap cap vai caua, an nopan iyehki akis ahes an pece Ijipt aijaua; im lep nedo unyimia vai Saihon im Oc, ohwat atimarid u nup Emor, an nahaijin Jortan igcapan, akis auahas ehni rau aijaua.

Josua 2:10 Iomraidhean Croise

Saam 74:15

As atiakoai nimtanwai aiek im nofowai: as ika aiek yi ame niji ofowai alupas.

Numera 20:14

Is abra atimi a Moses mika eri ahes Ketes ara um apan ehele natimarid an pece Itom, um ika, Era ika a nup Isreel ilpu etwam, Na ato aiek nohocred asega is yetpam irama:

Numera 23:22

Is iknipagki ra an pece Ijipt a Atua; et idivaig nemda u kurimatau aleg nemda ura.

Numera 24:8

Is iknipagki ra an pece Ijipt a Atua; et idivaig nemda u kurimatau aleg nemda ura: erupu auahas nup urai pece iji ig ara era tak atimi ira ra, um atgei ra, um ahcai ra irai idji efana ura.

Tyuteronome 2:30

Ja is ipjin a Saihon natimarid Hesbon vai ti jim ahtaregdei yin akaija: ja is alupai yin inliinmopon ipjin, im inliinmopon imiisjisitai, a Ihova Atua unyimia, va etpu atcijaig yin imi caua aien, et idivaig an nopan inig.

Josua 24:12

Kis abraig pan inpak irai lag alupas um has ainyak, eris uhup iramia ara, um ahlo pan ra an nuhup unyimia, nikavaig, ohwat atimarid erahki u nup Emor; ja akis eti ago aijaua irai ij va atimi unyimia.

Josua 4:24

mika eri ato natimi asega an nobohtan mika et emda nikmai Ihova: va akupu imtitai Ihova Atua unyimia aijaua irai iji adiat.

Josua 5:1

ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.

Josua 9:10

im nedo asega o un vai ohwat atimarid u nup Emor erus amen an nahaijin Jortan igcapan arau, nan, Saihon natimarid an pece Hesbon, im Oc natimarid an pece Besan, is amen Astarod aien.