Josua 2:1 - Intas Etipup

¹ IS abrai natimi is ero Sitim a Josua inhal u Nun mika eru apan arau um adpau jam eti asaig, um ika, Arumu apan aijaurau um almoi inpece, Jeriko marom. Arus atga urau arau, um apan an neom u intakata has is ethi, nidan Rehab, um amen eahki.

Josua 2:1 Iomraidhean Croise

Jenesis 42:16

Apan tah caua, um imiapam etwamia, ja akupu amen anliin neom ipjin aijaua, va uhpu ato, kit et inveijec intas unyimia: ja el et eti uce, et idim umoh a Fero, et idim uco, eka ilpu atimi ahilek inpece aijaua.

Jenesis 42:9

Is imiehva numjeg ahnag eraigko o un a Josef vai ra, um ika ehele ra, Eka ilpu atimi ahilek inpece aijaua; eka mun ham aijaua mika aki almoi inhas u inpece.

Maika 6:5

Ak ilpu atimi unyak, akumu imiehva aijaua nitai iyehki is aktaktai vaig a Belak natimarid u nup u Moab, im lep intas iyehki is asaig ehelen a Belam inhal u Bior; maiya, akumu imiehva aijaua nitai iji ehki eris ago vai caua ahes an niskanse Sitim um yetpan an maliyum Cilcal, mika aki ato nedo aiheuc u Ihova vai caua aijaua.

Numera 13:1

IS tas a Ihova ehele Moses, um ika,

Numera 13:2

Namu abrai atimi aiek mika eri aijidjid inpece Kenan inig ara, ek alupai nup Isreel ainyak: akumu abrai natimi aijaua, yi athi um athi ehni, irai iji ahaiji nup Isreel, erumu ilpu atimi alupas ura ara asega.

Numera 25:1

ERIS amen Sitim a nup Isreel, ja eris atupun natimi um ago ingeijid irai ilpu takata Moab.

Numera 33:49

Eris atumop u nofowai Jortan ara, um ahes Bed-jesimod um yetpan Ebel-sittim irai uarin marara Moab.

Madius 1:5

erus apos Boos a Salmon im Rehab; erus apos Obet a Boos im Rud; is apos Jese a Obet;

Madius 10:16

11 Ek abraig pan caua ainyak et idivaig siip irai iblai kuri aleg: akumu arapakau aijaua et idivaig imyiv, um erop nedo unyimia et idivaig alaupa.

Nupu Efesus 5:5

Eka idim ato aijaua, nikavaig, eri eti amen an nelcau u Kristo im Atua a ilpu atimi asega ago ingaijid, im ilpu atimi ago nedo has esjilid, im ilpu atimi has ira ra itai, et atua ura intakitai.

Ilpu Hibru 11:31

Is imyiisjis ninivaijec a Rehab intakata ago ingaijid iyehki, is um leh ohwat atimi almaijidjid inpece erahki aien, um aiheuc vai rau, is um eti mas aien ehele ilpu atimi imyipalea.

Jakobus 2:25

Eris lep ika is idim atoh nedo o Rehab intakata ago ingaijid va nauritai o un, nikavaig, is leh ohwat atimi erahki aien eris abrai rau, um abraig pan rau an nefalaig is eche.

Josua 1:18

El et imipalea intas alep unyum tah, um eti atahaijeg intas asega unyum napu asaig ehelen aiek, uhmu atgei yin: ja namu emda aiek um jim auatialidi inliinmopom.

Josua 2:2

Eris asaig ehele natimarid Jeriko, um ika, Erau mun ham a nup Isreel et ero an jupura inigki par ahilek inpece.

Josua 21:31

im Helkad im niji uari pece arehed iran, im Rihob im niji uari pece arehed iran; niji maliyum is for.

Josua 3:1

IS auroauro a Josua um aiji an nuhialeg an nadiat dirt; eris ahes Sitim ara um atga ura um yetpan Jortan, aien im lep nup Isreel asega, um asjeuc eahki ja par algaunyi.

Josua 5:10

Eris atumop Cilcal a nup Isreel, um aminjinaig nahtaregdei atimi an jupura an nadiat fortiind an mohoc iyehki irai uari marara Jeriko.

Ilpu Atimi Tas Alep 1:23

Eris abra atimi a ilpu mapoi Josef mika eri ahilek inmaliyum Bedel ara. (Is idai inmaliyum iyehki itu Lus).

Ilpu Atimi Tas Alep 18:14

Eris tas natimi is faiv eris apan ara par ahilek inpece, um ika ehele ilpu etwara, Akumu ato aijaua mika et eteuc an nimnim inigki niji itai itap, nikavaig, efot, im nalmu itai, im natmasimai auud ugnyit, im natmasimai hat; va nitai inigki aktaktai aijaua nedo inig akupu ago aijaua.

Ilpu Atimi Tas Alep 18:17

Eris aridjipan natimi is faiv eris apan ara par ahilek inpece, um apan anliin neom, um atipagki natmasimai auud ugnyit, im natmasimai hat, im efot, im niji almu itai: is aiji a natimi ahlap an neucse nirahed ehele atimi is siks huntret (600) eris apos nij va atimi ara.

Ilpu Atimi Tas Alep 18:2

Eris abraig pan atimi is faiv a ilpu mapoi Tan irai elcau ura an pece ura, ilpu atimi emda, an maliyum Sora, im inmaliyum Esteol, mika eri ahilek inpece ara, um ato vaig; eris ika ehele ra ara, Apan aijaua, um ahilek inpece: eris wat yetpan an nedoon Ifreem ara, an nimnim u Maika, eris atumop eahki ara.