Josua 18:3 - Intas Etipup

³ Is ika a Josua ehele nup Isreel, Eka a uri aijaua par eti fi auroauro um apan um ohuun inpece inig is alupai caua a Ihova Atua u ilpu retpomia?

Josua 18:3 Iomraidhean Croise

Niji tas Arapakau 10:4

Etpu atimi ihkin natimi aien et ago nauritai o un aien, jam eti idumdumoij: ja etpu atimi ikni itai aien et ecen an nauritai o un aieu.

Niji tas Arapakau 13:4

Et ahvig itai a natimi esjum par ago nauritai, ja et ti niji itai o un: ja etpu hag alupas a natimi inig et ecen an nauritai o un aien.

Niji tas Arapakau 15:19

At idivaig nirahed irai itai upunupun nefalaig u natimi esjum va nauritai: ja et atoh nefalaig u natimi ago nedo upene.

Natimi Efehtas 9:10

Namu emda aiek um ago niji auritai asega et tau upene iram nago vaig; et idim ti nauritai, ka naktaktai, ka nato itai, ka narapakau, an netheso inig na atga aiek alaig o un.

Sefanaia 3:16

An nopan iyehki eri ika ehele nup u Jerusalem, Akumu jim imtitaig aijaua: im lep ehele nup u Saion, Etmu jim auatialidi nikmamia aijaua.

Madius 20:6

Is lep alau ijo aien an jupura, um alum hal eris tup aiji ara, um ika ehele ra, Eka auri aijaua pah tup amen um yetpan an jupura?

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Josua 1:6

Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.

Josua 13:1

IS efatimi a Josua um ahinag inmesese iran; is tas ehelen a Ihova, um ika, Na efatimi aiek um ahinag inmesese iram, ja et eteuc nahaijin pece alupas eris eti atoraliak.

Josua 18:2

Eris amen ehele nup Isreel natimi irai elcau is seven eris eti fi leh nahaijin pece imi ra.

Josua 18:4

Akumu aniv natimi inyi eseij aijaua irai iji elcau asega; ekpu abrai ra ainyak, erupu apan ara, um atga an pece, um asuptecnaig vai niji uari pece eri ohuun ara; ja par lep adumoij pam ehelek.

Ilpu Atimi Tas Alep 18:9

Eris ika ara, Akumu atidai aijaua, mika ti aridjipan akaija, um aat ira ra: ecra mun ecetai inpece aijama, et idim upene: akumu fi auroauro aijaua, um jim esjum par apan, um atoraliak, um ohuun inpece iyehki.