Josua 17:1 - Intas Etipup

¹ Et lep eteuc nuarin nobohtan vai ilpu mapoi Manasi; is halav atamaig inmeto u Josef aien; nikavaig, vai Mekir marom inhalav atamaig inmeto u Manasi, etmai Cileat: is eucsupo a Cileat, va nitai inigki is leh Cileat im Besan aien.

Josua 17:1 Iomraidhean Croise

Jenesis 41:51

Is anvi nidan inmeto a Josef par ika Manasi, (Nimialmag): is ika aien, Is aiheuc vai nyak a Atua, um ika ki ahnag an nohocred asega unyak ainyak im nedo asega u ilpu etwak.

Jenesis 41:52

Is anvi nidai inharei aien par ika Ifreem, (Nasvalav vaig): ika aien, Is aiheuc vai nyak a Atua, um ika ki asvalav ainyak an pece inigki kis ohocred iran ainyak.

Jenesis 46:20

Is lep apos Manasi im Ifreem a Josef an pece Ijipt; is apos rau imi yin a Asenad inhalav atahig u Potifera natimi alupas On.

Jenesis 48:17

Is wat ecetai a Josef mika, is atijai inmatan an nidjini Ifreem a etman, is eti upene iran: is alcacsei nikmai etman aien, mika yi atipagki an nidjini Ifreem, um atijai an nidjini Manasi.

Jenesis 48:18

Is ika ehele etman a Josef, Oʼo, ak etmak: inhal unyak inmeto nigki; namu atijai inmatam an nidjinin aiek.

Jenesis 50:23

Is ecet ilpu mapoi Ifreem a Josef: is lep atijai an nijin neduon a Josef ilpu hal u Mekir, inhal u Manasi.

2 Samuel 2:9

um ati yin mika yi atimarid u nup u Cileat, im nup Eser, im nup u Jesriil, im nup Ifreem, im nup u Benjamin, im nup Isreel asega.

1 Iji Tas Eled 2:23

Is atoraliak ira ra Cisur im Eram aien, im niji maliyum u Jeer, im Kinad, im niji maliyum iran, niji maliyum is sikste: eris ohuun niji maliyum iji igki asega a ilpu mapoi Mekir etmai Cileat.

Esikiel 47:13

Et ika a Natimarid Ihova; Etmu eteuc niji atcai van pece, akumu ohuun inpece inigki vaig aijaua et idivaig ilpu eteuc et twelv u nup Isreel: erumu ohuun nahaijin et ero a ilpu mapoi Josef.

Esikiel 48:4

Im lep an nilpun pece u nup u Naftalai, ahes an nilpun pece an ridjai o un um yetpan an nilpun pece an nete o un, nahaijin et ethi nigki, erumu ohuun a nup u Manasi.

Numera 26:29

Eris ahes ehele Manasi ara sji igki: eris ahes ehele Mekir a nup u Mekir: is lep apos Cileat a Mekir: eris ahes ehele Cileat a nup u Cileat.

Numera 27:1

ERIS apan a ilpu halav atahig u Silofehat, inhal u Hifer, inhal u Cileat, inhal u Mekir, inhal u Manasi, irai ilpu mapoi Manasi inhal u Josef: nidai ilpu halav atahig o un ji igki; nan, Mala, im Noa, im Hocla, im Milka, im Tirsa.

Numera 32:33

Is atcijaig imi ilpu mapoi Cat, im ilpu mapoi Ruben, im nahaiji ilpu mapoi Manasi inhal u Josef a Moses, inpece u Saihon natimarid u nup Emor, im inpece u Oc natimarid an pece Besan, im niji maliyum iran, niji maliyum an pece um arehed mihtag marom.

Tyuteronome 21:17

Etmu ika aien et hal o un inmeto, inhal o un et esjum vai yin aien, um alupai yin nuarin inpadiaig asega o un inyi ero: et hal o un inmeto aien; etmu ohuun nuarin inmeto aien.

Josua 17:2

Is lep eteuc nuarin nobohtan vai nahaiji ilpu mapoi Manasi et idivaig ilpu eteuc ira ra; vai ilpu mapoi Ahiiser, im ilpu mapoi Hilek, im ilpu mapoi Asriel, im ilpu mapoi Sikem, im ilpu mapoi Hifer, im ilpu mapoi Semaita: eris ilpu halav atamaig u Manasi inhal u Josef ara sji igki is idivaig ilpu eteuc ira ra.

Josua 22:7

Is idim alupai nahaiji ilpu mapoi Manasi inpece Besan a Moses; ja is alupai nahaiji ra is eche a Josua an nahaijin Jortan igcapam an nete o un ehele ilpu etwara. Is lep adcijai ra a Josua mika eri apan iraili eom ura, ja is par asan tas acis yi alwai ra,

Ilpu Atimi Tas Alep 5:14

Eris ahes an nedoon Amalek a ilpu atimi emda, ilpu mapoi Ifreem marom; eris apitac atimi iji igki a ilpu mapoi Benjamin; eris ahes ehele ilpu mapoi Mekir um apam a ilpu atimi alupas vai ilpu eucsupo; eris lep ahes ehele ilpu mapoi Sebulun um apam a ilpu atimi esjilid um arapakau va nedoa.